Yellow Orange Rain Alert: कोकण, घाटमाथ्यासह, विदर्भात ऊन सावल्यांच्या खेळात पावसाच्या सरी सुरू आहेत. आज (ता. २९) पूर्व विदर्भात जोरदार पावसाची शक्यता असल्याने दक्षतेचा इशारा (ऑरेंज अलर्ट) हवामान विभागाने दिला आहे. कोकण, घाटमाथा, मराठवाड्यात तुरळक ठिकाणी जोरदार सरींची, तर उर्वरित राज्यात विजांसह पावसाची शक्यता असल्याने सतर्कतेचा इशारा (येलो अलर्ट) देण्यात आला आहे..मॉन्सूनचा आस असलेला कमी दाबाचा पट्टा राजस्थानातील अनुपगढपासून पिलानी, हमिरपूर, दाल्तोगंज, वादळी प्रणालीच्या केंद्र ते ईशान्य बंगालच्या उपसागरापर्यंत सक्रिय आहे. उत्तर प्रदेश आणि परिसरावर समुद्र सपाटीपासून ९०० मीटर उंचीवर, तसेच वायव्य मध्य प्रदेश परिसरावर समुद्र सपाटीपासून १.५ किलोमीटर उंचीवर चक्राकार वारे वाहत आहेत. नैर्ऋत्य राजस्थान परिसरावरील चक्राकार वाऱ्यांपासून वादळी प्रणालीपर्यंत कमी दाबाच्या पट्ट्यामुळे द्रोणीय स्थिती तयार झाली आहे..Maharashtra Rain Update : कोकण, घाटमाथ्यावर ऑरेंज अलर्ट; विदर्भात जोरदार तर मराठवाड्यात हलक्या सरी शक्य.मंगळवारी (ता. २८) सकाळपर्यंतच्या २४ तासांमध्ये अकोला येथे राज्यातील उच्चांकी ३३.१ अंश सेल्सिअस तापमानाची नोंद झाली. महाबळेश्वर येथे राज्यातील नीचांकी १८.४ अंश सेल्सिअस तापमान नोंदले गेले. कोकण घाटमाथ्यावरील पावसाचा जोर काहीसा कमी झाला आहे. कोकण, घाटमाथ्यावर पावसाच्या जोर कायम असल्याने पुणे आणि रायगड जिल्ह्यांच्या घाटमाथ्यावरील भिरा येथे राज्यातील सर्वाधिक १९० मिलिमीटर पावसाची नोंद झाली..आज (ता. २९) गोंदिया, चंद्रपूर, गडचिरोली जिल्ह्यांत जोरदार पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. रायगड, रत्नागिरी, सिंधुदुर्ग, जळगाव, पुणे घाटमाथा, सातारा घाटमाथा, कोल्हापूर घाटमाथा, जालना, परभणी, हिंगोली जिल्ह्यांत जोरदार सरींची, तसेच उर्वरित विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे..Heavy Rain Alert: कोकण, घाटमाथ्यावर जोरदार पावसाचा इशारा.जोरदार पावसाची शक्यता (ऑरेंज अलर्ट)गोंदिया, चंद्रपूर, गडचिरोली.जोरदार पावसाची शक्यता (येलो अलर्ट)रायगड, रत्नागिरी, सिंधुदुर्ग, जळगाव, पुणे घाटमाथा,सातारा घाटमाथा, कोल्हापूर घाटमाथा, जालना, परभणी, हिंगोली.वादळी पावसाची शक्यता (येलो अलर्ट)पालघर, ठाणे, मुंबई, धुळे, नंदूरबार, नाशिक, अहिल्यानगर, पुणे, सातारा, सांगली, सोलापूर, छत्रपती संभाजीनगर, बीड, धाराशिव, लातूर, नांदेड, बुलडाणा, अकोला, अमरावती, वाशीम, यवतमाळ, वर्धा, नागपूर, भंडारा..वादळी प्रणालीची तीव्रता कमी होणारओडिशा आणि पश्चिम बंगालच्या परिसरावर वादळी प्रणाली (डीप डिप्रेशन) सक्रिय आहे. ही प्रणाली पश्चिम बंगालच्या मिदनापूर पासून ८० किलोमीटर नैर्ऋत्येकडे, झारखंडच्या जमशेदपूरपासून १२० किलोमीटर आग्नेयेकडे, ओडिशाच्या बारीपाडापासून १० किलोमीटर आग्नेयेकडे आणि बालासोरपासून ४० किलोमीटर वायव्येकडे होती. ही प्रणाली आज (ता. २९) उत्तर ओडिशा, दक्षिण झारखंड आणि उत्तर छत्तीसगड परिसराकडे सरकण्याची शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
