Devgad Fertilizer Seizure Case: देवगड तालुक्यातील वाडा येथे विनापरवाना सेंद्रिय खत विक्रीसाठी उतरविले जात असताना कृषी विभागाच्या भरारी पथकाने कारवाई करून ४० किलो वजनाची १०० पोती जप्त केली. जप्त खताची किंमत ५७ हजार ५०० रुपये असून या प्रकरणी दोघांविरुद्ध देवगड पोलिस ठाण्यात गुन्हा दाखल करण्यात आला आहे. आठवडाभरातील ही भरारी पथकाची दुसरी कारवाई आहे..शेतकऱ्यांना दर्जेदार खते व बियाणे उपलब्ध व्हावीत, यासाठी कृषी विभागाने जिल्ह्यात विशेष तपासणी मोहीम सुरू केली आहे. यापूर्वी काही कृषी सेवा केंद्रांचे परवाने निलंबित करण्यात आले होते. तसेच गेल्या आठवड्यात वेंगुर्ला येथे विनापरवाना सेंद्रिय खत वाहतूक प्रकरणी कारवाई करण्यात आली होती..Fertilizer Dealer Action: खत लिंकिंग केल्यास संबंधित विक्रेत्यावर होणार कठोर कारवाई: कृषी अधिकारी विवेक कुंभार .गुरुवारी दुपारी देवगड कृषी अधिकारी मानसी पवार, मोहीम अधिकारी राहुल माने, जिल्हा गुणवत्ता नियंत्रण निरीक्षक सुशांत भोसले, संभाजी जाधव, शिवाजी हाटोळे आणि गितानंद गिरकर हे वाडा परिसरात गस्त घालत होते. त्यावेळी एका शेडजवळ संशयास्पद स्थितीत उभ्या असलेल्या ट्रकमधून खताची पोती गाळ्यात उतरविली जात असल्याचे निदर्शनास आले..Fake Fertilizer: खताच्या नावाखाली चक्क मातीची विक्री.अधिकाऱ्यांनी ट्रकचालकाकडे खताबाबत विचारणा केली असता त्याला समाधानकारक माहिती देता आली नाही. त्यानंतर पावतीवरील नावानुसार सत्यवान परब यांना बोलविण्यात आले. त्यांनी विक्रीसाठी खत आणल्याचे सांगितले. एकूण ९१ हजार ५०० रुपये किमतीची ३०० पोती विक्रीसाठी आणल्याची माहिती त्यांनी दिली..तपासणीत संबंधित खत विक्रीसाठी आवश्यक परवाना नसल्याचे आढळून आले. त्यानंतर ५७ हजार ५०० रुपये किमतीची १०० पोती जप्त करण्यात आली. उर्वरित खत कुणाला विकण्यात आले याचा तपास सुरू असल्याचे कृषी विभागाने सांगितले. घटनेची माहिती मिळताच सहाय्यक पोलिस निरीक्षक सुप्रिया बंगडे घटनास्थळी दाखल झाल्या. या प्रकरणी सेंद्रिय खत कंपनीचे अशोक मोरे (सातारा) आणि सत्यवान परब (वाडा) यांच्याविरुद्ध गुन्हा दाखल करण्यात आला आहे. तसेच सुमारे १५ लाख रुपये किमतीचा ट्रक ताब्यात घेण्यात आला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
