Solapur News : माढा तालुक्यातील कुर्डू परिसरातील मुरूम उपसा हा पूर्णतः बेकायदेशीर असून, त्याबाबत कोणतीही वैध परवानगी घेण्यात आलेली नाही, असे जिल्हाधिकारी कुमार आशीर्वाद यांनी पत्रकारांशी बोलताना स्पष्ट केले आहे. .याप्रकरणी जवाबदार व्यक्तींवर लवकरच कठोर कारवाई करण्यात येईल, असेही त्यांनी सांगितले. गेल्या काही दिवसांपासून कुर्डू परिसरात मुरूम उपशाच्या कामाला अचानक वेग आला होता. स्थानिक ग्रामस्थ व पर्यावरण प्रेमींनी याबाबत आक्षेप घेत या उपशामागे राजकीय अथवा प्रशासकीय छुपा पाठिंबा आहे का? असा प्रश्न उपस्थित केला होता..Illegal Sand Mining : अवैध वाळू उत्खनन, वाहतुकीवर ‘एमपीडीए’अंतर्गत गुन्हे नोंदवा.या संदर्भात विचारलेल्या प्रश्नांना उत्तर देताना जिल्हाधिकारी कुमार आशीर्वाद म्हणाले, "कुर्डू येथील मुरूम उपसा हे काम कोणत्याही अधिकृत परवानगीविना सुरू करण्यात आले आहे. त्यामुळे ते स्पष्टपणे बेकायदेशीर ठरते. .महसूल, खनिकर्म, पर्यावरण विभाग आणि स्थानिक प्रशासन यांच्या संयुक्त पाहणी अहवालानंतर ज्यांनी परवानगी न घेता काम केले, त्यांच्यावर कारवाई करण्यात येईल..Illegal Mineral Mining : अवैध गौण खनिजननाकडे दुर्लक्ष भोवले; तहसीलदार रणवरे निलंबित.प्राथमिक अहवालानुसार, संबंधित कामामध्ये खनिज कायदा, पर्यावरण संरक्षण अधिनियम व महसूल नियमांचे उल्लंघन झाल्याचे स्पष्ट झाले आहे. याप्रकरणी आता तहसीलदार व उपविभागीय अधिकाऱ्यांना तत्काळ अधिक चौकशी करण्याचे आदेश दिले आहेत, असेही त्यांनी सांगितले..कायदा सर्वांसाठी समानजिल्हाधिकारी आशीर्वाद यांनी स्पष्ट शब्दांत सांगितले की, कोणत्याही व्यक्तीने किंवा संस्थेने कायद्याच्या चौकटीबाहेर जाऊन काम केल्यास, त्याविरुद्ध कठोर कारवाई केली जाईल. प्रशासन कोणत्याही दबावाला बळी पडणार नाही. कायदा सर्वांसाठी समान आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
