Ahilyanagar News: अहिल्यानगर जिल्ह्यात विनापरवाना सावकारीमुळे शेतकरी, व्यावसायिक आणि सर्वसामान्य नागरिकांचे मोठे शोषण होत आहे. खासगी सावकारांकडून छळ होत असल्याचे २१ गुन्हे दाखल आहेत. सामान्य माणसांना कोणत्याही विना परवाना सावकाराकडून त्रास होता कामा नये. अवैध सावकारीच्या प्राप्त होणाऱ्या तक्रारींचा तातडीने निपटारा करावा, असे जिल्हाधिकारी डॉ. पंकज आशिया यांनी सांगितले..विनापरवाना सावकारांकडून शेतकरी, कष्टकरी, कामगार यांना त्रास होऊ नये यासाठी महाराष्ट्र सावकारी (नियमन) अधिनियम २०१४ अंतर्गत स्थापन त्रिसदस्यीय समितीची बैठक झाली. जिल्हाधिकारी डॉ. आशिया, जिल्हा उपनिबंधक (सहकारी संस्था) मंगेश सुरवसे यांच्यासह संबंधित अधिकारी उपस्थित होते..Illegal Money Lending: अवैध सावकारांविरोधात अकोल्यात धडक कारवाई.जिल्हाधिकारी डॉ. आशिया म्हणाले, की गरजू नागरिक, व्यावसायिक व शेतकऱ्यांनी अवैध सावकारांकडून कर्ज घेऊ नये. सहकार विभागाकडून परवाना प्राप्त सावकारांकडूनच कर्ज घ्यावे, जेणेकरून अवैध सावकारीला पायबंद बसेल..Illegal Money Lending : अवैध सावकारीवर कारवाईचा धडाका.अवैध सावकारांकडून जादा व्याज आकारून त्रास दिला जात असल्यास सहकार विभागाकडे तक्रार दाखल कराव्यात. विनापरवाना सावकारीच्या गुन्ह्यात संबंधित प्रकरणांमध्ये नोटीस पोहोच झाल्याची खात्री करूनच गुणवत्तेवर निर्णय घ्यावेत, असे सांगितले. या बैठकीत अहिल्यानगर जिल्ह्यात अवैध सावकारी करणाऱ्या २१ सावकारांविरोधात संबंधित पोलिस ठाण्यात महाराष्ट्र सावकारी (नियमन) अधिनियमान्वये २० गुन्हे दाखल करण्यात आले आहेत. आतापर्यंत १९ अपील प्रकरणांमध्ये २५ हेक्टर १५.५ आर जमीन व २ हजार २०० चौरस फूट बांधकाम विविध शेतकऱ्यांना परत मिळवून देण्याबाबत आदेश मंजूर करण्यात आले आहेत, असे सांगण्यात आले..शासनाकडून निर्धारित व्याजदरशासनाने परवानाधारक सावकारांसाठी व्याजदर निश्चित केले आहेत. शेतकऱ्यांना तारण कर्जासाठी ९ टक्के व विनातारण कर्जासाठी १२ टक्के, तर बिगर शेतकऱ्यांना तारण कर्जासाठी १५ टक्के व विनातारण कर्जासाठी १८ टक्के व्याजदर लागू आहे, असे जिल्हा उपनिबंधकांनी स्पष्ट केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
