Agriculture Department Raid: कृषी विभागाच्या गुण नियंत्रण पथकाने नागपूर रेल्वे स्थानकावर धाड टाकत अहमदाबादहून रेल्वेमार्गे आणण्यात आलेल्या तब्बल ५६.३३ लाख रुपयांच्या अवैध एचटीबीटी कापूस बियाण्यांचा साठा जप्त केला. या कारवाईत २८.३३ क्विंटल वजनाची ५८५१ बियाणे पाकिटे हस्तगत करण्यात आली असून, आठवड्याभरातील ही दुसरी मोठी कारवाई ठरली आहे..गोपनीय माहितीच्या आधारे भरारी पथकाने नागपूर रेल्वे स्थानक परिसरात सापळा रचला होता. त्यावेळी अहमदाबाद येथील ‘बालाजी नेचरल एग्रो कंपनी’कडून नागपूरातील सद्दाम नावाच्या व्यक्तीस पाठविण्यात आलेल्या १२३ गोण्या उतरविताना पथकाने कारवाई केली. .Illegal HTBT Cotton Seeds: सोळा लाखांचे अवैध एचटीबीटी कापूस बियाणे जप्त.तपासणीदरम्यान राफेल, माऊली, वेदांत, तिलक, मालामाल सुपर, कल्पवृक्ष, गॅलक्सी हायपर, गोल्ड-६५९, आरकॉट-१८, ७८२, ९७७ आदी नावांचे कथित एचटीबीटी कापूस बियाणे आढळून आले. पंचासमक्ष मुद्देमाल जप्त करून पुढील कारवाईसाठी तो लोहमार्ग पोलिसांच्या ताब्यात देण्यात आला. प्राथमिक तपासात संबंधित बियाणे विनापरवाना आणि अनधिकृतरीत्या विक्रीसाठी आणल्याचे समोर आले आहे..Illegal HTBT Cotton Seeds: अवैध कापूस बियाण्यामागे गुजरात कनेक्शन.ही कारवाई जिल्हाधिकारी कुमार आशीर्वाद, संचालक (निविष्ठा व गुण नियंत्रण) सुनील बोरकर, विभागीय कृषी सहसंचालक उमेश घाटगे, मुख्य गुण नियंत्रण अधिकारी प्रवीण देशमुख, जिल्हा अधीक्षक कृषी अधिकारी रवींद्र मनोहरे यांच्या मार्गदर्शनाखाली करण्यात आली. कारवाईत गुण नियंत्रण निरीक्षक तथा तंत्र अधिकारी चंद्रशेखर कोल्हे, विभागीय गुण नियंत्रण निरीक्षक संदीप पवार, जिल्हा परिषदेचे प्रभारी कृषी विकास अधिकारी तथा भरारी पथक प्रमुख समाधान धूळधुळे, नागपूर तालुका गुण नियंत्रण निरीक्षक रिना डोंगरे, कामठी तालुका गुण नियंत्रण निरीक्षक सुभाष कनिरे तसेच जीआरपीचे हेड कॉन्स्टेबल प्रशांत शिंदे यांनी सहभाग घेतला..फौजदारी गुन्हा दाखलदरम्यान, बियाणे कायदा १९६६, बियाणे नियंत्रण आदेश १९८३, महाराष्ट्र कापूस बियाणे कायदा २००९ तसेच अत्यावश्यक वस्तू अधिनियम १९५५ अंतर्गत विविध कलमांनुसार बालाजी नेचरल एग्रो कंपनी, अहमदाबाद आणि सद्दाम, नागपूर यांच्या विरोधात लोहमार्ग पोलिस ठाण्यात फौजदारी गुन्हा दाखल करण्यात आला असून पुढील तपास सुरू आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
