Nashik News: रब्बी हंगामाच्या पेरण्यांना सुरुवात झाली असतानाच बाजारात विनापरवाना खते व बियाणे विक्रीचे प्रकार समोर येत आहेत. कृषी विभागाच्या जिल्हा भरारी पथकाला मिळालेल्या माहितीनुसार, अवैध, विनापरवाना खते व बियाणे ऑनलाइन विक्री करून घरपोच केली जात असल्याने ‘ॲग्रोझोन प्रा. लि.’ कंपनीवर कारवाई केली आहे. या प्रकरणी अभोणा (ता. कळवण) पोलिस ठाण्यात गुन्हा दाखल करण्यात आला आहे..कृषी विभागाने दिलेल्या माहितीनुसार, बुधवारी (ता. १२) जिल्हा भरारी पथकाला अवैध विनापरवाना खते व बियाणे ऑनलाइन विक्री करून घरपोच दिली जात असल्याचे समजले. त्यानुसार पथकाचे सदस्य व जिल्हा गुणवत्ता नियंत्रण निरीक्षक डॉ. जगन सूर्यवंशी, विभागीय कृषी सहसंचालक कार्यालयाचे विभागीय गुणवत्ता नियंत्रण निरीक्षक कल्याण पाटील, गुणवत्ता नियंत्रण निरीक्षक विठ्ठल रंधे यांनी कारवाई केली..Illegal Fertilizer Sale : विनापरवाना खत विक्री, ९३ हजारांचा साठा जप्त.कनाशी येथील अधिकृत निविष्ठा विक्रेत्यांनी ‘ॲग्रो झोन’ या कंपनीचे वाहन थांबवून ठेवले. या प्रकरणी रंधे यांना माहिती दिली. त्यांनी संपर्क साधून जिल्हा भरारी पथकाला कळवले. पथकातील सदस्यांनी घटनास्थळी दाखल होऊन संबंधित वाहनाचे वाहन चालक दीपक जाधव यांना बिले व विक्री परवान्याची मागणी केली. त्या वेळी बिले सादर करण्यात आली; मात्र विक्री परवाना सादर करता आला नाही..या निविष्ठांबद्दल संशय बळवल्याने अभोणा पोलिस ठाण्यात नेऊन पंचांसमक्ष शहानिशा केली. त्या वेळी खते व बियाणे असे एकूण ७ नमुने घेण्यात आले. त्यापैकी २ बियाणे नमुने बियाणे कायदा १९६६ व बियाणे नियम १९६८ मधील विहित पद्धतीने बीज परीक्षण प्रयोगशाळा पुणे येथे व ५ रासायनिक खताचे नमुने खतनियंत्रण आदेश १९८५ मधील विहित पद्धतीने काढून खतनियंत्रण प्रयोगशाळा, नाशिक येथे तपासणीसाठी पाठवण्यात आले..Illegal Fertilizer Sale : अप्रमाणित निविष्ठांच्या उच्चाटनासाठी अभियान राबवा.हा साठा पोलिस स्टेशन येथे जमा करण्यात आला.या प्रकरणी कंपनीचे संचालक संदीप सुभाष भामरे (रा. नाशिक) व वाहनचालक दीपक सूर्यभान जाधव यांनी संगनमताने राज्यात खते व बियाणे विक्री व साठवणुकीचा, वाहतुकीचा परवाना नसताना शेतकऱ्यांची व शासनाची फसवणूक केली आहे. म्हणून संबंधितांविरोधात अभोणा पोलिस ठाण्यात कळवण तालुका कृषी अधिकारी कार्यालयाचे गुणनियंत्रण कृषी अधिकारी विठ्ठल रंधे यांनी गुन्हा दाखल केला आहे. या वेळी कळवण मंडल अधिकारी कैलास पाटील, कनाशीचे सहायक कृषी अधिकारी राजू खांडवी हे पंच म्हणून उपस्थित होते..विभागीय कृषी सहसंचालक सुभाष काटकर, जिल्हा अधीक्षक कृषी अधिकारी रवींद्र माने, जिल्हा परिषदेचे कृषी विकास अधिकारी संजय शेवाळे यांच्या मार्गदर्शनाखाली कारवाई करण्यात आली. शेतकऱ्यांनी फसवणूक टाळण्यासाठी अधिकृत विक्रेते यांच्याकडूनच पक्के बिल घेऊन खते बियाणे खरेदी करावे, असे आवाहन श्री. माने यांनी केले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
