Fake Seed Impact on Cotton Farming: खानदेशात अवैध कापूस बियाणे दाखल होण्यास मागील महिन्यात सुरुवात झाली. सध्या हे बियाणे गतीने दाखल होत असून, २० मेनंतर त्याची लागवड अनेक भागात होईल, असेही दिसत आहे. .मागील हंगामातही अवैध कापूस बियाणे २० एप्रिलपासून गुजरात व मध्य प्रदेशातून दाखल होण्यास सुरुवात झाली होती. कारण खानदेशात सुमारे दोन लाख हेक्टरवर पूर्वहंगामी (बागायती) कापूस पिकाची लागवड १५ मेपासून सुरू होते. त्यासाठी मशागत सुरू आहे. अनेक शेतकऱ्यांनी ठिबकची व्यवस्थादेखील केली आहे. कमाल तापमान ४१ ते ४२ अंश सेल्सिअसवर स्थिरावल्यानंतर लागवड सुरू होते..BT Cotton Seed Supply: सरळ कपाशी वाणांचे बीटी बियाणे तातडीने द्या: किसान सभा.आगाप कापूस लागवडीत खानदेशातील शहादा, तळोदा, धुळ्यातील शिरपूर, जळगावातील चोपडा, यावल, मुक्ताईनगर, जामनेर, पारोळा हा भाग अग्रेसर आहे. जळगाव जिल्हा कापूस लागवडीत देशात अग्रेसर आहे. साडेचार ते पाच लाख हेक्टरवर एकूण कापूस लागवड जळगावात होते. यात सुमारे दीड लाख हेक्टरवर पूर्वहंगामी कापूस पीक असते. मागील तीन ते चार हंगामात चांगला पाऊस झाल्याने जलसाठे सर्वत्र आहेत. त्यात अनेक शेतकरी बेवडसाठी देशी कापूस पिकाची लागवड मे मध्ये करतात..देशी व सुधारित वाणांच्या नावाने धुमाकूळखानदेशात देशी व बीटीमधील चौथी आवृत्तीच्या (फोरजी बीटी) नावाने अवैध कापूस बियाणे दाखल होत आहे. गुजरातमधील राजपिपला पुढे नर्मदा नदीचे क्षेत्र व नंदुरबारातील डेडीयापाडा (ता. अक्कलकुवा) या मार्गे हे अवैध बियाणे येत आहे. डेडियापाडा येथून पुढे अक्कलकुवा, तळोदा, शहादा या भागात हे बियाणे येत आहे..Illegal HTBT Cotton Seed: जांगडगुत्ता ‘एचटीबीटी’चा!.मध्य प्रदेशातून सातपुडा पर्वतातून विविध मार्ग धुळ्यातील शिरपूर व जळगावातील चोपडा भागात येतात. या मार्गांनी हे बियाणे येत आहे. तसेच गुजरातमधील तापी जिल्ह्यातील निझर हे तालुक्याचे क्षेत्र नंदुरबारपासून नजीक आहे. निझरमधूनही अवैध बियाणे नंदुरबारात पोचत असल्याची माहिती आहे. निझर तालुक्यातील वाका चाररस्ता भागात अनेक कृषी केंद्र आहेत. या भागातील काही कृषी निविष्ठा पुरवठादार कंपन्यांचे एजंट हे बियाणे पाठवित आहेत..बियाण्याचे विविध दरदेशी प्रकारच्या अवैध बियाण्याची विक्री १५०० ते १८०० रुपये प्रति पाकिट या दरात होत आहे. तर बीटी प्रकारातील अवैध बियाण्याची विक्री १२०० ते १३०० रुपये प्रतिपाकिट या दरात होत आहे. या बियाण्याच्या खरेदीसंबंधी शेतकऱ्यांना कुठलीही पावती दिली जात नाही. हे बियाणे काही कृषी निविष्ठा कंपन्यांच्या एजंटच्या मदतीने पोहोचत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
