Palghar News: कृषी उत्पादन वाढवायचे असेल, तर मधमाशीशिवाय पर्याय नाही. ही माशी जगली, तरच मनुष्यप्राणी जगू शकतो, असे कृषी विज्ञान केंद्राचे वरिष्ठ शास्त्रज्ञ डॉ. विलास जाधव यांनी प्रतिपादन केले. .नवी दिल्लीतील राष्ट्रीय मधमाशी मंडळ, पुणे येथील फलोत्पादन अभियान आणि औषधी मंडळ आणि कोसबाड कृषी विज्ञान केंद्र यांच्या संयुक्त विद्यमाने कृषी विज्ञान केंद्र कोसबाड हिल डहाणू येथे पाच दिवसांचे मधमाशीपालन प्रशिक्षणाचे आयोजन केले होते. या वेळी ते बोलत होते..Honey Bee Keeping : मधमाशीपालनातून मिळतात हे महागडे मौल्यवाण पदार्थ .या प्रशिक्षणात ठाणे जिल्ह्यातील २५ शेतकऱ्यांची निवड करून त्यांना कृषी विज्ञान केंद्र कोसबाड येथे पाच दिवसांचे निवासी मोफत प्रशिक्षण देण्यात आले. कृषी विज्ञान केंद्राचे वरिष्ठ शास्त्रज्ञ डॉ. विलास जाधव आणि पीक संरक्षण शास्त्रज्ञ डॉ. उत्तम सहाने यांनी प्रशिक्षणाचे नियोजन केले होते..Bee Keeping : नैसर्गिक अधिवासामधून डंखविरहित मधमाशीची वसाहत काढण्याचे तंत्र.पहिल्या दिवशी प्रशिक्षणाचे उद्घाटन केंद्राचे प्रमुख डॉ. जाधव यांच्या मार्गदर्शनाने झाले. शेती उत्पादनासाठी मधमाशीचे महत्त्व, मधमाशीपालनातून उद्योजकनिर्मिती अशा विविध अंगाने त्यांनी मार्गदर्शन केले..डॉ. सहाने यांनी मधमाशीच्या विविध जाती, त्यांचे संगोपन, मधमाशी हाताळताना येणाऱ्या अडचणी आणि त्यावर उपाय, मधमाश्यांना होणारे रोग आणि उपाय, तसेच निसर्गातील मधमाशी वसाहत पेटीत कशी भरावी, अशा अनेक गोष्टी प्रात्यक्षिकाच्या रूपाने प्रशिक्षणार्थींना दाखविल्या. त्यामुळे शेतकऱ्यांचे मनोबल उंचावले आणि आपणही सहज मधमाशी पाळू शकतो, असा आत्मविश्वास वाढला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
