Satara News: यंदाच्या रब्बी हंगमात संकरित ज्वारी पीक सध्या समाधानकारक स्थितीत आहे. योग्यवेळी पेरणीनंतर मिळालेल्या पोषक वातावरणाने पिकाची अपेक्षित वाढ सुरू आहे. ठिकठिकाणी पीक जाेमात आले आहे. विंगसह कोळे परिसरातील शेतकऱ्यांसाठी आनंदाची बाब असून, चांगल्या उत्पादनाची आशा निर्माण झाली आहे..कमी कालावधीत जास्तीतजास्त उत्पादन देणारे पीक म्हणून संकरित ज्वारीकडे पाहिले जाते. रब्बी हंगामात मोठ्या प्रमाणात शेतकरी हे पीक घेतात. गहू, हरभरा अन्य पिकांचा समावेश त्यासोबत असतो. जीवनावश्यक वस्तूत घरच्या ज्वारीचा हातभार असल्यास वार्षिक खर्चाचा ताण कमी होतो..Jowar Farming: ज्वारीचा गोडवा वाढेल!.कमी खर्चात अन् कमी पाण्यात हे पीक चांगला परतावा देते. बहुतांशी शेतकरी या पिकाकडे त्यामुळे वळतात. कारखान्यांचा गळीत हंगाम योग्यवेळी सुरू झाला आहे. त्यामुळे ऊसतोडणी लवकर उरकून त्याच शेतात संकरित ज्वारी घेण्याकडे शेतकऱ्यांचा कल आहे. आगामी दिवसात ज्वारीच्या उत्पादनात लक्षणीय वाढ झालेली दिसेल..Jowar Farming: ज्वारीचा गोडवा वाढेल!.दिवाळीत झालेल्या अवेळी पावसाने अपेक्षित ओलावा त्यास मिळाल्याने उगवण क्षमता चांगली झाली आहे. त्यानंतर थंडी सुरू झाली आहे. पिकांची वाढ अपेक्षित झाली आहे. उत्पादकाच्या आशा पल्लवीत झाल्या आहेत. बघता-बघता पीक गुडघ्याइतके आले आहे. कृषीतज्ज्ञांच्या मते योग्यवेळी बियाणे पेरणी संतुलित खत व्यवस्थापन, तणनियत्रंण आणि गरजेनुसार पाणी दिल्यास या पिकातून अपेक्षापेक्षा जास्त उत्पादन मिळण्याची शक्यता आहे..ऑक्टोबरच्या पहिल्या पंधरवड्यात योग्य वाफशावर ज्वारीची पेरणी केली. त्यानंतर परिसरात जोराचा पाऊस झाला. पिकाची उगवण क्षमता त्यामुळे चांगली झाली. त्यानंतर पडलेल्या थंडीमुळे पिकाची वाढ अपेक्षित आहे. सध्या ज्वारी पीक गुडघ्याइतके आहे. थंडीत सातत्य राहिल्यास चांगले उत्पादन मिळेल. - सर्जेराव खबाले, शेतकरी, विंग.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
