Nandurbar News: भल्या पहाटेपासून मंदिरात सुरू असलेला घंटानाद, महानुभाव पंथीय संस्कारानुसार एकमुखी दत्ताच्या मूर्तीला केले जाणारे विधिवत स्नान, पूजा आणि श्री दत्तात्रेय प्रभू की जयच्या नामघोषाने सारंगखेडानगरी दुमदुमून जात आहे..निमित्त आहे सारंगखेडा (ता. शहादा) येथील श्रीदत्त जयंतीनिमित्त भरलेल्या यात्रेचे. येथील एकमुखी श्री दत्ताच्या यात्रेला गुरुवारपासून (ता.४) सुरुवात झाली. दोन दिवसांत शेकडो भाविकांनी यात्रेला भेट दिली असून, ही यात्रा दोन आठवडे चालते..Sarangkheda Horse Festival : सारंगखेड्यातील घोडेबाजारात दीड कोटीची घोडी दाखल.यात्रेचे वैशिष्ट्य म्हणजे अश्वबाजार व चेतक फेस्टिव्हलचे आयोजन. नवसाला पावणारा देव म्हणून ख्याती असलेल्या एकमुखी श्री दत्त प्रभूंची मूर्ती ३०० वर्षांहून अधिक जुनी असून, पंचधातूंनी बनलेली आहे. त्यात सोने, चांदी, जस्त, पितळ आदी धातूंचा यात वापर करण्यात आला आहे. मंदिराला प्राचीन व ऐतिहासिक इतिहास आहे..Sarangkheda Festival : सारंगखेडा अश्व बाजारात कोट्यवधींची उलाढाल.अश्वांची रंगतयात्रेनिमित्त सुमारे तीन हजार अश्व बाजारात दाखल झाले असून, त्यात देशभरातील विविध भागांतील उमदे अश्व आहेत. नुकरा जातीचे अश्व लक्ष वेधून घेत आहेत. तसेच अश्व सौंदर्य स्पर्धाही आयोजिण्यात आली असून, यात विविध बक्षिसे दिली जातात..यांसह टेंट पेगिंग, पोल बेंडिंग, हॉर्स जंपिंग, बॉल इन बकेट, ड्रेसाज, अश्व दौड रेवाल व विविध अश्व प्रजातींच्या अश्व सौंदर्य स्पर्धा घेतल्या जाणार आहेत. तसेच शेती अवजारांची या काळात मोठ्या प्रमाणावर विक्री होते. त्यांच्या खरेदी-विक्रीतून मोठी आर्थिक उलाढाल होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
