डॉ. मधुकर मोरेFarm Pond Subsidy: राज्यात अनेक शेतकरी पावसाचे पाणी साठवण्यासाठी शेततळ्यांचा वापर करतात. मात्र उन्हाळ्यात शेततळ्यातील पाणी आटते किंवा जमिनीत झिरपून जाते. विशेषतः शेततळ्याला अस्तरीकरण केलेले नसेल तर पाण्याची गळती अधिक होते. त्यामुळे पावसाळ्यापूर्वी शेततळ्याची स्वच्छता आणि अस्तरीकरण करणे अत्यंत आवश्यक आहे. योग्य पद्धतीने अस्तरीकरण केल्यास पावसाचे पाणी अधिक काळ साठवून ठेवता येते आणि सिंचनासाठी उपयोग होतो..शेततळ्याची स्वच्छता कशी करावी?सगळ्यात आधी शेततळ्याच्या बाजू आणि तळाची स्वच्छता करावी. तळ्यात वाढलेली झाडंझुडपं काढून टाकावीत. तळ्यात साचलेला गाळ काढून तो शेतात टाकावा. यामुळे शेततळ्याची पाणी साठवण क्षमता वाढते. तसेच शेततळ्याचे प्रवेशद्वार आणि निर्गमद्वार तपासून त्यांची दुरुस्ती करावी. या ठिकाणी दगडांचे अस्तरीकरण व्यवस्थित बसवून घ्यावे..Farm Pond: शेततळ्यांसाठीचे १७ हजारांवर अर्ज रद्द.अस्तरीकरण कसे करावे?शेततळ्यातील पाणी झिरपून जाऊ नये म्हणून प्लास्टिक फिल्मचे अस्तरीकरण केले जाते. यासाठी ३०० ते ५०० मायक्रॉन जाडीची प्लास्टिक फिल्म वापरण्याची शिफारस केली जाते.अस्तरीकरण करण्यापूर्वी शेततळ्याचा तळ आणि बाजू पूर्ण स्वच्छ कराव्यात. लहान-मोठे दगड किंवा खडक राहू देऊ नयेत. अन्यथा प्लास्टिक फिल्म फाटण्याचा धोका असतो..यानंतर शेततळ्याच्या वरच्या कडेला चारही बाजूंनी सुमारे एक मीटर अंतर सोडून एक फूट बाय एक फूट आकाराचा चर खोदावा. त्यानंतर शेततळ्याच्या तळाशी आणि बाजूंना प्लास्टिक फिल्म पसरवावी. फिल्म टाकताना घड्या पडणार नाहीत याची काळजी घ्यावी. शेवटी फिल्मचे काठ चरामध्ये दाबून त्यावर माती टाकून चर बुजवावा..Farm Pond Funds: अखेर शेततळ्यांसाठी १५ कोटींचा निधी.कोणती काळजी घ्यावी?अनेकदा जनावरे प्लास्टिक फिल्म खराब करतात किंवा शेततळ्यात पडण्याचा धोका असतो. त्यामुळे शेततळ्याभोवती कुंपण करणे फायदेशीर ठरते..कोणत्या योजनेतून मिळते अनुदान?शेततळ्याच्या अस्तरीकरणासाठी नानाजी देशमुख कृषी संजीवनी प्रकल्प (पोकरा) योजनेतून अनुदान दिले जाते. प्रत्यक्ष मोजमापानुसार खर्चाच्या ५० टक्के किंवा जास्तीत जास्त ३० x ३० x ३ मीटर शेततळ्यासाठी ७५ हजार रुपयांपर्यंत अनुदान मिळू शकते. यासाठी शेतकऱ्यांना महाडीबीटी पोर्टलवर अर्ज करावा लागतो..डॉ. मधुकर मोरे, वरिष्ठ शास्त्रज्ञ, कोरडवाहू संशोधन केंद्र, परभणीवसंतराव नाईक मराठवाडा कृषि विद्यापीठ, परभणी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
