Pune News: यंदा पावसाळ्यात खरिपातील पीक तर गेलेच पण जमीनही खरडून गेली आहे. सरकार दरबारी त्या पिकांचे पंचनामे होतात. त्यामध्ये पीक कसे घेणार हा प्रश्न आहे. या खरडलेल्या जमिनीची पंचनाम्यासाठी व्याख्या कशी करणार असून हा पंचनामा नेमका कसा होणार हा अभ्यासाचा भाग आहे, असा प्रश्न अभिनेते प्रवीण तरडे यांनी उपस्थित केला. .पुणे पत्रकार संघाच्या वतीने मराठवाडा व विदर्भातील पावसामुळे नुकसान झालेल्या शेतकऱ्यांच्या पुण्यात शिकणाऱ्या पाल्यांना मदत करण्यासाठी आयोजित केलेल्या कार्यक्रमात शुक्रवारी (ता. ७) ते बोलत होते. या वेळी पुणे श्रमिक पत्रकार संघाचे अध्यक्ष ब्रिजमोहन पाटील, चित्रपट निर्माते कैलास वाणी, सरचिटणीस मंगेश फल्ले, शिवार फाउंडेशनचे विनायक हेगाणा आदी उपस्थित होते. या वेळी विद्यार्थ्यांना मदतीचे धनादेश देण्यात आले..Crop Insurance : कोऱ्या पंचनामा अर्जावर शेतकऱ्यांच्या घेताहेत स्वाक्षऱ्या.अभिनेते तरडे म्हणाले, की शेतात चांगले पीक आल्यावर शेतकरी मागत नाही. त्या वेळी शेतकऱ्यांची स्वतःहून देण्याची दानत असते. ते कर्जमाफीची वाट पाहात नाहीत. पण निसर्गाने पीक उद्ध्वस्त केल्यानंतर आपल्या शेतकऱ्यांवर घ्यायची परिस्थिती निसर्गाने आणली आहे. सरकारने ३० जूनपर्यंत कर्जमाफीचा चांगला निर्णय घेतला आहे..E Crop Survey: ई-पीक पाहणीला महिनाभर मुदतवाढ.ते त्यांच्या पद्धतीने योग्य ती भूमिका घेतील. योग्यवेळी ते करतील. तोपर्यंत विद्यार्थ्यांनी हार मानू नये. पुणे हे एकदम छोटे होते. पण शिक्षण, नोकरीच्या निमित्ताने ग्रामीण भागातून येणाऱ्या विद्यार्थ्यांनी पुण्याला मोठे केले आहे. त्यामुळे विद्यार्थ्यांनी चांगला अभ्यास करून चांगले अधिकारी होऊन न्याय द्यावा..चित्रपट निर्माते वाणी म्हणाले, की मराठवाडा व विदर्भातील शेतकऱ्यांची अनेक मुले ही पुण्यात अभ्यास करतात. त्यांना मदत करण्याची भूमिका आम्ही घेतली. त्यासाठी चित्रपट बंद ठेवून शेतकऱ्यांना मदत केली जात आहे. पुढील काळात येणाऱ्या चित्रपटातील नफा बाजूला ठेऊन मदत केली जाईल. कार्यक्रमात पत्रकार संघाचे कार्यकारिणी सदस्य नरेंद्र साठे यांनी प्रास्ताविक केले. तर चिटणीस तनिष्का डोंगरे यांनी आभार मानले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
