Kanda Karpa Disease: पावसाळ्यात सतत बदलणारे हवामान, ढगाळ वातावरण आणि पानांवर जास्त काळ राहणारा ओलावा यामुळे कांदा पिकावर करपा रोगाचा प्रादुर्भाव वाढू शकतो. विशेषतः वाढीच्या अवस्थेतील पावसाळी कांद्यामध्ये जांभळा करपा आणि तपकिरी करपा याकडे शेतकऱ्यांनी लक्ष देणे गरजेचे आहे. करप्याच्या नियंत्रणासाठी शेतातील पाण्याचे नियोजन तसेच जैविक आणि रासानयिक उपाय करुन उत्पादन वाचवता येते..जांभळा करपाजांभळा करपा कांदा पिकाच्या कोणत्याही अवस्थेत येऊ शकतो. सुरुवातीला पानांवर खोलगट, लांबट आणि पांढुरके चट्टे दिसतात. या चट्ट्यांचा मध्यभाग आधी जांभळट आणि नंतर काळपट होतो. प्रादुर्भाव वाढला की अनेक चट्टे एकमेकांत मिसळतात आणि पाने करपून वाळतात.जांभळा करपा वाढल्यास कांद्याची मान मऊ पडू शकते. फुलांचे दांडेही मऊ होऊन वाकतात किंवा मोडतात. त्यामुळे रोगाची सुरुवातीची लक्षणे दिसताच नियंत्रण करणे महत्त्वाचे आहे..Kanda Karpa: कांद्यावरील करप्याचे तीन प्रकार! तुमच्या कांद्यावर कोणता करपा आलाय जाणून घ्या लक्षणांमधून...तपकिरी करपातपकिरी करप्यामध्ये कांद्याच्या पानांवर पिवळसर ते तपकिरी रंगाचे लांबट चट्टे दिसतात. हे चट्टे हळूहळू मोठे होतात आणि पानांचा हिरवेपणा कमी होऊन पाने सुकू लागतात. त्यामुळे पिकाची वाढ आणि पुढील उत्पादनावर परिणाम होऊ शकतो..प्रतिबंधात्मक उपायकांद्याची लागवड चांगला निचरा होणाऱ्या जमिनीत करावी. सरी-वरंब्यावर लागवड करणे फायदेशीर ठरते. रोपवाटिका गादीवाफ्यावर तयार करावी आणि वाफ्यात पाणी साचणार नाही, याची काळजी घ्यावी.पुनर्लागवडीच्या वेळी रोपे कार्बेन्डाझिम ०.१ टक्के म्हणजेच १ ग्रॅम प्रति लिटर पाण्याच्या द्रावणात १० ते १५ मिनिटे बुडवून नंतर लागवड करावी.शेतातील तणांचे नियंत्रण नियमितपणे करावे. तसेच एकाच शेतात सतत कांदा न घेता दर दोन ते तीन वर्षांनी पीक फेरपालट करावा..Onion Pest Management: कांदा पिकातील फुलकिड्यांचे नियंत्रण.जैविक उपायकाळ्या करप्यासाठी ट्रायकोडर्मा या जैविक बुरशीची आळवणी करावी. यासाठी २ किलो ट्रायकोडर्मा २०० लिटर पाण्यात प्रति एकर या प्रमाणात वापरावा. आळवणी करण्यापूर्वी जमिनीत थोडासा ओलावा असणे आवश्यक आहे. जैविक आणि रासायनिक उपायांमध्ये ४ ते ५ दिवसांचे अंतर ठेवावे, असा सल्ला कृषि विज्ञान केंद्र नारायणगाव येथील पीक संरक्षण विषय विशेषज्ञ डॉ. दत्तात्रय गावडे यांनी दिला..जांभळा करपा, तपकिरी करप्यासाठी बुरशीनाशकेमेटीराम (७० टक्के डब्ल्यू. जी.)- २.५ ग्रॅम प्रति १ लिटरटेब्युकोनॅझोल ३८.३९ टक्के एससी- १ ग्रॅम प्रति लिटरअॅझोक्सिस्ट्रॉबिन १८.२ टक्के अधिक डायफेनोकोनाझोल ११.४ टक्के एससी- १ मिलि प्रति लिटर पाणीअॅझोक्सिस्ट्रॉबिन ८.३ टक्के अधिक मॅन्कोझेब ६६.७ टक्के डब्ल्यूजी- ३ ग्रॅम प्रति लिटर पाणीमेटॅलॅक्सिल एम ३.३ टक्के अधिक क्लोरोथॅलोनिल ३३.१ टक्के एससी- २ मिलि प्रति लिटर पाणी.जांभळा करप्यावरील बुरशीनाशकेडायफेनोकोनाझोल (२५ टक्के ईसी)-१ मिली प्रति लिटरकिटाझिन (४८ टक्के ईसी)- १ मिलि प्रति लिटरटेब्युकोनॅझोल २५.९ टक्के ईसी - १ मिलि प्रति लिटरटेब्युकोनॅझोल २५ टक्के डब्ल्यू जी- १ ग्रॅम प्रति लिटर.अॅझोक्सिस्ट्रॉबिन ११ टक्के अधिक टेब्युकोनाझोल १८.३ टक्के एससी- १ ग्रॅम प्रति लिटर पाणीबॉस्कॅलिड २५.२ टक्के अधिक पायरॉक्लोस्ट्रॉबिन १२.८ टक्के डब्ल्यूजी- १ ग्रॅम प्रति लिटर पाणीफ्लुओपिकोलाइड ५.५६ टक्के अधिक प्रोपामोकार्ब हायड्रोक्लोराइड ५५.६ टक्के एससी- २ मिलि प्रति लिटर पाणीफ्ल्युक्सापायरोक्सॅड २५० ग्रॅम प्रति लिटर अधिक पायरॉक्लोस्ट्रोबिन २५० ग्रॅम प्रति लिटर एससी- ०.५ ग्रॅम प्रति लिटर पाणीमेटीराम ५५ टक्के अधिक पायरॉक्लोस्ट्रोबिन ५ टक्के डब्ल्यूजी- ३ ग्रॅम प्रति लिटर पाणी.पीकोक्सीस्ट्रॉबिन ७.०५ टक्के अधिक प्रोपीकोनाझोल ११.७ टक्के एससी- २ मिलि प्रति लिटर पाणीटेब्युकोनाझोल ५० टक्के अधिक ट्रायफ्लॉक्सिस्ट्रॉबिन २५ टक्के डब्ल्यूजी- ०.५ ग्रॅम प्रति लिटर पाणीऔषधाची मात्रा आणि काढणीपूर्व कालावधी उत्पादनाच्या लेबलक्लेमनुसार तपासूनच फवारणी करावी. एकाच गटातील बुरशीनाशकांची वारंवार फवारणी टाळावी, कारण त्यामुळे बुरशीमध्ये प्रतिकारशक्ती निर्माण होण्याचा धोका असतो..- डॉ. दत्तात्रय गावडे, ९४२१२ ७०५१०(पीक संरक्षण विषयतज्ज्ञ,कृषी विज्ञान केंद्र नारायणगाव, पुणे).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
