Beed News: चांगल्या दराच्या अपेक्षेने लागवड केलेल्या कांद्याची परिसरात काढणी सुरू आहे; परंतु बाजारात योग्य दर मिळत नसल्याने शेतकरी संकटात सापडले आहेत. काही महिन्यांपूर्वी ज्या कांद्याला प्रतिकिलो २० रुपये इतका भाव मिळत होता, त्या कांद्याला आज अवघे ८ रुपये भाव मिळत आहे..सध्या मिळणाऱ्या या अल्पभावात पिकावर केलेला खर्चदेखील निघत नसल्याचे पाहून कांदा उत्पादक शेतकरी हवालदिल झाला आहे. आवक जास्त आणि मागणी कमी अशी परिस्थिती निर्माण झाल्यामुळे भावात घसरण होत असल्याचे व्यापाऱ्यांचे म्हणणे आहे..Onion Subsidy Delay: कांदा अनुदान वितरण प्रक्रिया रखडलेलीच!.कांदा हे नगदी पीक मानले जात असल्याने टाकरवण परिसरात बहुतांश शेतकरी मोठ्या प्रमाणात कांद्याची लागवड करतात. मात्र, कांदा हा जास्त दिवस साठवून ठेवता येत नसल्याने शेतकरी तो साठवू शकत नाहीत. अनेक शेतकऱ्यांनी ‘भाव वाढेल’ या अपेक्षेने कांदा शेतातच काढून ठेवला..अनेकांना कांदा साठवण्यासाठी आवश्यक जागाच नाही. काही शेतकऱ्यांवर तर शेतात झाडाखाली कांदा काढून ठेवण्याची वेळ आली. या भागात कांदा चाळींची संख्या कमी असल्याने तोही पर्याय उपलब्ध नाही..Onion Price Protest: कांदा दरातील घसरणीमुळे संतप्त शेतकऱ्यांचा रास्ता रोको.बाजारभावातील तफावतसध्या बाजारात शेतकऱ्यांची उन्हाळ कांदा विक्री अंतिम टप्प्यात असून मोठ्या प्रमाणात शेतकरी उन्हाळ कांदा विक्रीसाठी घाई करीत आहेत. मात्र, उन्हाळ कांदा बाजारभावातील तफावत शेतकऱ्यांना मारक ठरत आहे. एक नंबर दर्जाच्या कांद्याला तुलनेने चांगला भाव मिळतो; पण दोन नंबर दर्जाच्या कांद्याला कमी भाव मिळत असल्याने शेतकरी मोठ्या संभ्रमात पडले आहेत..जुन्या कांद्याचे नुकसाननवीन लागवडीचा खर्चएका बाजूला शेतकरी साठवलेला कांदा विकून भांडवल मिळविण्याच्या प्रतीक्षेत असतानाच दुसऱ्या बाजूला रब्बी हंगामातील नवीन कांदारोपांची लागवड सुरू झाली. जुन्या कांद्याचे नुकसान आणि नवीन लागवडीचा खर्च अशा दुहेरी संकटात शेतकरी सापडला असून त्याची परिस्थिती आणखीनच बिकट झाली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
