Farmer Cheating Maharashtra : हिंगोली आधारभूत किंमत खरेदी योजनेअंतर्गत २०२५-२६ मध्ये हिंगोली येथील सोयाबीन खरेदी केंद्रावर गंभीर अनियमितता आणि गैरव्यवहार झाल्याचे चौकशीत आढळून आले आहे. शेतकऱ्यांची फसवणूक केल्याप्रकरणी केंद्रचालक प्रगती स्वयंरोजगार सेवा सहकारी संस्थेविरुद्ध सहकार कायद्यानुसार तसेच फौजदारी कारवाई करण्याचे आदेश जिल्हा उपनिबंधक (सहकारी संस्था) सुरेखा फुपाटे यांनी शुक्रवारी (ता. ७) दिले आहेत..पणन हंगाम २०२५-२६ मध्ये एनसीसीएफच्या (राष्ट्रीय सहकारी ग्राहक महासंघ) वतीने हिंगोली येथील प्रगती स्वयंरोजगार सेवा सहकारी संस्थेच्या केंद्रावर सोयाबीनची खरेदी करण्यात आली. मात्र संबंधित शेतकऱ्यांना सोयाबीनची देय रक्कम अद्याप मिळालेली नसल्याच्या लेखी तक्रारी जिल्हा उपनिबंधक (सहकारी संस्था) कार्यालयाकडे प्राप्त झाल्या होत्या. या प्रकरणाची तत्काळ चौकशी करून सहकार कायद्यानुसार दंडात्मक व कायदेशीर कारवाई प्रस्तावित करण्याचे आदेश सहाय्यक निबंधकांना देण्यात आले..Organic Farming Business: सेंद्रिय शेती उद्योगातील तेल्हारा कंपनी.नाफेडच्या चौकशी समितीचा अहवाल आणि शिफारशीनुसार प्रगती स्वयंरोजगार सेवा सहकारी संस्थेचे अध्यक्ष नारायण भिसे तसेच कर्मचारी सचिन मार्कड आणि आकाश लाखाडे यांनी आधारभूत किंमत खरेदी योजनेतील सोयाबीन खरेदी व्यवहारात गंभीर स्वरूपाची अनियमितता केल्याचे नमूद करण्यात आले आहे. या प्रकारातून शेतकऱ्यांची फसवणूक झाली असून, पणन महासंघासोबत केलेल्या करारनाम्याचेही उल्लंघन झाल्याचा ठपका संस्थेवर ठेवण्यात आला आहे..Farmer Issues: पुसद बाजार समिती केंद्रावर शेतकऱ्यांची लूट .संस्थेला काळ्या यादीत टाकण्याची शिफारससंबंधित संस्थेला पणन महासंघाने काळ्या यादीत टाकावे आणि भविष्यात कोणत्याही शासकीय योजनेअंतर्गत खरेदीचे काम देऊ नये, अशी शिफारस करण्यात आली आहे. संस्थेचे लेखापरीक्षण करून या अनियमिततेमुळे झालेल्या आर्थिक परिणामांचे मूल्यांकन करण्याची सूचनाही करण्यात आली आहे..सहकार कायद्यांतर्गत कायदेशीर कारवाई करण्याची शिफारस पणन महासंघाने शासनाकडे करावी, तसेच महाराष्ट्र सहकारी संस्था अधिनियम १९६० व नियम १९६१ मधील तरतुदींनुसार संस्थेवर तत्काळ कारवाई करावी, असे आदेशात नमूद करण्यात आले आहे. संबंधितांविरुद्ध फौजदारी गुन्हे दाखल करण्यासाठीही हिंगोली येथील सहाय्यक निबंधक (सहकारी संस्था) यांना प्राधिकृत करण्यात आल्याचे जिल्हा उपनिबंधक सुरेखा फुपाटे यांनी आदेशात स्पष्ट केले आहे..पोर्टलवर ९,२९१ क्विंटल खरेदीची नोंदसंस्थेने एकूण ९ हजार २९१.५० क्विंटल सोयाबीन खरेदी केल्याचे ऑनलाइन पोर्टलवर दाखविले. प्रत्यक्षात मात्र ४ हजार ५६८ क्विंटल सोयाबीनची खरेदी करण्यात आली. त्यामुळे प्रत्यक्ष खरेदी न करता ४ हजार ७२३.५० क्विंटल अतिरिक्त सोयाबीनची लॉट एन्ट्री केल्याचे चौकशीत समोर आले आहे. तसेच प्रत्यक्ष खरेदी न करता चुकीच्या व नियमबाह्य पद्धतीने केलेली बल्क लॉट एन्ट्री रद्द करण्यात आल्याचेही अहवालात नमूद आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
