Nanded News: सलग तिसऱ्या दिवशी नांदेड जिल्ह्यातील किनवट व माहूर या तालुक्यातील पाच मंडलांत ६५ मिलिमीटरपेक्षा जास्त पाऊस झाल्याने या ठिकाणी अतिवृष्टीची नोंद झाली आहे. तर हिंगोली व परभणी दोन जिल्ह्यांत शनिवारी (ता. ३०) सकाळी दहापर्यंतच्या २४ तासांमध्ये हलका ते जोरदार पाऊस झाला. .हिंगोली जिल्ह्यातील हिंगोली, कळमनुरी तालुक्यांतील सहा मंडलांत अतिवृष्टी झाली. नाले, ओढे, नद्यांच्या पुराचे पाणी शिरल्यामुळे हळद, सोयाबीन, तूर, कपाशी आदी पिकांचे मोठे नुकसान झाले आहे. परभणी जिल्ह्यातील पालम तालुक्यातील लेंडी नदीच्या पुरात वाहून गेलेल्या युवकाला शोधण्याचे कार्य शनिवारी (ता.३०) सकाळी पुन्हा सुरू करण्यात आले..Maharashtra Rain Alert: कोकण, घाटमाथ्यावर जोरदार सरी शक्य.नांदेड जिल्ह्यात मागील तीन दिवसांपासून पावसाने झोडपून काढले आहे. पहिल्या दिवशी १७, तर दुसऱ्या दिवशी ६९ मंडलांत अतिवृष्टी झाली. यानंतर तिसऱ्या दिवशी किनवट, माहूर तालुक्यांत पाऊस झाला. तालुका किनवट आणि माहूर परिसरात मुसळधार पावसाची नोंद झाली.मुसळधार पावसामुळे नद्यांना पुराचा धोका निर्माण होण्याची शक्यता आहे. शेतातील उभ्या पिकांवर तसेच जनजीवनावर त्याचा परिणाम होण्याची शक्यता प्रशासनाने व्यक्त केली आहे. नागरिकांनी सतर्क राहण्याचे आवाहन प्रशासनाकडून करण्यात आले आहे..Maharashtra Rain Forecast: कोकण, घाटमाथ्यावर जोरदार पावसाचा अंदाज.सिंदखेड मंडळात १२९ मिमी पाऊसनांदेड जिल्ह्यातील माहूर तालुक्यातील सिंदखेड मंडलात १२९ मिलिमीटर पावसाची नोंद झाली. त्यानंतर किनवट तालुक्यातील उमरी बाजार मंडळात १२७.२५ मिलिमीटर झाला. जलधारा ७७, सिंदगी ८२.७५, वानोला ८२.७५ मिलिमीटर पाऊस झाला..हिंगोली जिल्ह्यातील मंडलातील पाऊसहिंगोली, कळमनुरी तालुक्यांतील अनेक मंडलांत पावसाचा जोर राहिला. हिंगोली तालुक्यातील हिंगोली ६८ मिमी, सिरसम ६८ मिमी, बासंबा ६८ मिमी, माळहिवरा ६८ मिमी, खंबाळा ६८ मिमी,वाकोडी ७० मिमी या सहा मंडलात अतिवृष्टीची नोंद झाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
