Dharashiv News: मुरूम बाजार समितीत सध्या तुरीच्या दराने उचल खाल्ली आहे. इतर बाजारपेठेच्या तुलनेत येथे तुरीला उच्चांकी ८७५० रुपये प्रतिक्विंटल भाव मिळत आहे, तर सोयाबीननेसुद्धा हमीभावाचा टप्पा पार केला असून, दर ५५५० रुपये प्रतिक्विंटलपर्यंत पोचले आहेत. त्यामुळे शेतकऱ्यांमध्ये समाधानाचे वातावरण आहे..उत्पादनात घट येत असल्याने तुरीचे दर आणखी वाढण्याचा अंदाज आहे. शेजारच्या कर्नाटक राज्यातील शेतकरीसुद्धा तूर विक्रीसाठी या बाजार समितीत येतात. परिसरातील मुरूम, येनेगूर, जेवळी, भुसनी, कंटेकुर, कोथळी, बेळंब, केसरजवळगा, आलूर, अचलेर, अंबरनगर, फुलसिंगनगर या भागांत तुरीचे पीक मोठ्या प्रमाणात घेतले जाते..Tur Price: जाणून घ्या; आजचे सोयाबीन, कापूस, मका, तूर आणि काकडीचे बाजारभाव .मात्र, दोन-तीन वर्षांपासून भाव नसल्याने तुरीचे क्षेत्र कमी झाले होते. यावर्षी अतिवृष्टी झाल्याने सर्वच शेतमालाच्या उत्पादनावर परिणाम झाला. अतिपाऊस झाल्याने बुरशीजन्य रोगाने मूळ कुजले. त्यामुळे तुरीचे क्षेत्र २५ टक्क्यांनी घटले होते. त्यातच फुलोऱ्याच्या अवस्थेत धुके पडल्याने फुलगळ झाल्याने तुरीच्या उत्पादनात मोठ्या प्रमाणात घट झाली आहे. यावर्षी एकरी उत्पादन निम्म्यावर आल्याने बाजारात तुरीच्या भावात दिवसेंदिवस वाढ होत आहे. चालू हंगामासाठी तुरीला ८००० रुपये हमीभाव जाहीर करण्यात आले आहे..Tur Price: तुरीचे दर कमीच; तसेच काय आहेत सोयाबीन, कापूस, पपई आणि दोडक्याचे आजचे बाजारभाव .हंगाम सुरू झाल्यानंतर सोयाबीनचे भाव तीन हजार ते साडेचार हजार रुपये प्रतिक्विंटलपर्यंत स्थिर होते. पंधरा-वीस दिवसांपासून सोयाबीनचे दर वाढत आहेत. पीक काढणीच्या अवस्थेत असताना पाऊस लागून पडल्याने मूग, उडीद, सोयाबीन आदी खरीप पिकांचे उत्पादन कमी झाले. त्यामुळे आवक घटल्याने बाजारात सोयाबीनच्या दरात दिवसेंदिवस वाढ होत आहे. मात्र, शेतकऱ्यांकडे विक्रीसाठी सोयाबीनच शिल्लक नसल्याची स्थिती आहे..शेतकऱ्यांसमोरच ठरतात भावमुरूम बाजार समितीत शेतकऱ्यांसमोर भाव ठरविले जातात. चाळणी आणि काटासुद्धा शेतकऱ्यांसमोर केला जातो. इतर शहरांच्या बाजारपेठांच्या तुलनेत या ठिकाणी तुरीला प्रतिक्विंटल शंभर ते दोनशे रुपये भाव जास्त मिळत आहे. यामुळे शेतकऱ्यांनी आपला शेतमाल विक्रीसाठी मुरूम बाजार समितीत आणावा, असे आवाहन सभापती बापूराव पाटील यांनी केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
