Kolhapur News: शिरोळ तालुक्यात या वर्षी रब्बी हंगामात हरभरा पिकाने विक्रमी क्षेत्र गाठले आहे. शेतकऱ्यांचा या पिकाकडे वाढता कल दिसून येत आहे. तालुक्यात तब्बल १२५० एकरांपेक्षा अधिक क्षेत्रावर हरभऱ्याची पेरणी झाली असून, ही पेरणी पाच ते सात वर्षांच्या सरासरीपेक्षा लक्षणीयरित्या अधिक आहे..साधारणतः रब्बी हंगामाची पेरणी १५ ऑक्टोबरपासून सुरू होऊन १५ जानेवारीपर्यंत चालते. शिरोळ तालुक्यात हरभऱ्याचे सरासरी क्षेत्र ८०० एकरांच्या पुढे जात नव्हते. मात्र या वर्षी ऊस गळीत हंगामातील अडचणी, मजुरांची कमतरता आणि यांत्रिक कापणीमुळे होणारे नुकसान यामुळे शेतकऱ्यांनी पिकांची फेरपालट करण्याचा निर्णय घेतला आहे. या वर्षी ऊस गळीत हंगाम उशिरा सुरू झाल्याने व ऊसतोड मजुरांची तीव्र टंचाई भासल्याने हार्वेस्टर मशिनद्वारे ऊसतोड मोठ्या प्रमाणावर केली जात आहे. .Chana Sowing: अकोला जिल्ह्यात हरभरा लागवड एक लाख हेक्टरवर.परिणामी आडसाली उसाची लागवड केल्यास ऊस जास्त लोळतो आणि मशीनद्वारे तोड करताना नुकसान होत असल्याचे शेतकऱ्यांच्या लक्षात आले आहे. त्यामुळे अनेक शेतकरी खोडवा तोड झालेल्या क्षेत्रात हरभरा घेऊन पुढील खरीप हंगामात पूर्वहंगामी ऊस लावण्याकडे वळले आहेत. या पीक पद्धतीमुळे ऊस लोळत नाही, नुकसान कमी होते आणि बेवड पिकाचे दुष्परिणामही टाळता येतात. यामुळे या वर्षी तालुक्यात हरभऱ्याकडे शेतकऱ्यांचा कल वाढला आहे. .Chana Sowing: पुणे विभागात हरभऱ्याची दीड लाख हेक्टरवर पेरणी .दरम्यान, पेरणी यंत्रांची संख्या वाढल्याने हरभऱ्याची पेरणी अधिक सुलभ झाली आहे. खत व बियाणे एकाच वेळी पेरले जात असून मळणीसाठी आधुनिक मशिन्स उपलब्ध झाल्याने शेतकऱ्यांचा वेळ व खर्च वाचत आहे. तालुक्यातील जवळपास सर्वच गावांमध्ये हरभऱ्याची पेरणी पूर्ण झाली आहे. हंगामाच्या सुरुवातीला पेरलेले पीक सध्या दाणे भरण्याच्या अवस्थेत असून, मध्यम कालावधीत पेरलेला हरभरा फूल-कळी अवस्थेत आहे. उशिरा पेरणी केलेला हरभरा वाढीच्या टप्प्यात आहे..या वर्षी तालुक्यात हरभऱ्याची पेरणी लक्षणीय वाढली आहे. कृषी विभागामार्फत शेती शाळा, शेतकरी प्रशिक्षण वर्ग तसेच ‘महा कृषी विस्तार एआय’ अॅपच्या माध्यमातून मार्गदर्शन करण्यात येत आहे. सुरुवातीपासून असलेली थंडी १५ फेब्रुवारीपर्यंत टिकून राहिल्यास हरभऱ्याचे उत्पादन चांगले येण्याची अपेक्षा आहे.- संजय सुतार, उपकृषी अधिकारी, कुरुंदवाड.मी या वर्षी अनुदानातून ट्रॅक्टर खरेदी करून त्यावर पेरणी यंत्र बसवले आहे. आतापर्यंत सुमारे ७० ते ८० एकर क्षेत्रावर हरभऱ्याची पेरणी केली आहे. मशिनमुळे पेरणी जलद आणि सोपी झाली आहे.- अनिल राजमाने, पेरणी ट्रॅक्टर मालक.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
