Premium Hike of Insurance: खरीप हंगामातील पंतप्रधान पीकविमा योजनेसाठी ३१ जुलै ही अंतिम मुदत असताना वाढलेला प्रीमियम, नुकसानीच्या निकषांतील (ट्रिगर) बदल आणि एक रुपयात पीकविमा योजना बंद झाल्याने शेतकऱ्यांचा या योजनेवरील विश्वास डळमळीत झाला आहे. विशेषतः यवतमाळ जिल्ह्यात कापूस आणि तूर पिकांसाठीचा प्रीमियम गेल्या वर्षीच्या तुलनेत जवळपास दुप्पट झाल्याने शेतकरी संतप्त आहेत..माहितीनुसार, कापसासाठी प्रति हेक्टर प्रीमियम ७५० रुपयांवरून १२५० रुपये, तर तुरीसाठी ४७० रुपयांवरून ९४० रुपये झाला आहे. त्यामुळे पीकविमा काढण्याचा आर्थिक भार वाढला आहे. कापूस पिकासाठी संरक्षित रकमेच्या २.५ टक्के, सोयाबीनसाठी ४ टक्के आणि तुरीसाठी ५ टक्के प्रीमियम शेतकऱ्यांना भरावा लागत आहे. यवतमाळ आणि शेजारच्या वर्धा जिल्ह्यातील प्रीमियममधील मोठी तफावतही चर्चेचा विषय ठरली आहे..Crop Insurance Scheme: पीकविमा शेतकऱ्यांच्या अपेक्षांपासून दूर.वर्धा जिल्ह्यात कापसाचा प्रीमियम केवळ ६५ रुपये, तर यवतमाळमध्ये १२५० रुपये असल्याने समान हवामान आणि पीकस्थिती असतानाही एवढा फरक का, असा प्रश्न शेतकरी उपस्थित करीत आहेत. शेतकरी संघटनांच्या मते, पीक नुकसानीच्या भरपाईसाठी वापरल्या जाणाऱ्या ‘उंबरठा उत्पादन’ पद्धतीमुळे प्रत्यक्ष नुकसान झालेल्या शेतकऱ्यांना अपेक्षित भरपाई मिळत नाही. त्यामुळे सरकारी अनुदानाचा मोठा लाभ विमा कंपन्यांनाच होत असल्याची भावना शेतकऱ्यांमध्ये वाढत आहे..Crop Insurance Policy: एकच योजना, एकच पीक; विमा प्रीमियम वेगळा कसा?.दरम्यान, महाराष्ट्र राज्य कृषी सेवा राजपत्रित अधिकारी संघटनेनेही राज्य शासनाकडे पीकविमा योजना पुनर्रचित करण्याची मागणी केली आहे. कृषिमंत्री दत्तात्रय भरणे, राज्यमंत्री आशिष जयस्वाल आणि कृषी सचिव परिमल सिंह यांना निवेदन देत राष्ट्रीय आपत्ती प्रतिसाद निधी (एनडीआरएफ) अधिक सक्षम करून शेतकऱ्यांना थेट मदत देण्याचा पर्याय स्वीकारण्याची मागणी करण्यात आली आहे..वर्धा जिल्ह्यात कापसाचा प्रीमियम ६५ रुपये आणि यवतमाळमध्ये १२५० रुपये आहे. दोन शेजारी जिल्ह्यांमध्ये एवढी तफावत का, याचे समाधानकारक उत्तर मिळत नाही.विशाल देशमुख, शेतकरी, राळेगाव.प्रीमियम भरूनही नुकसानभरपाई मिळत नाही. त्यामुळे पीक विमा योजनेवरील शेतकऱ्यांचा विश्वास उडत आहे.युसूफ सय्यद, शेतकरी, राळेगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
