Solapur District Bank News: सोलापूर जिल्हा मध्यवर्ती सहकारी बँकेच्या संचालक मंडळ निवडणुकीबाबत सोमवारी (ता. २०) उच्च न्यायालयाच्या कोल्हापूर खंडपीठात सुनावणी होणार आहे. त्याच दिवशी सोलापूर जिल्हा देखरेख सहकारी संस्थेच्या (केडर) संचालक मंडळ निवडणुकीबाबतही सुनावणी होणार आहे. जवळपास एकच मतदार असलेल्या या दोन्ही संस्थांच्या निवडणुकीबाबत न्यायालय काय आदेश देते? याकडे जिल्ह्याच्या सहकाराचे लक्ष लागले आहे..जिल्हा बँकेच्या संचालक मंडळाची निवडणूक घ्यावी, या मागणीसाठी बावची विविध कार्यकारी सेवा सहकारी संस्था न्यायालयात गेली आहे. या संस्थेच्या याचिकेवर यापूर्वीच एक सुनावणी झाली असून, या सुनावणीत न्यायालयाने बँकेच्या प्रशासकांना आठवड्यात निवडणुकीचे वेळापत्रक सादर करण्यास सांगितले आहे. त्यानंतर हे प्रकरण सुनावणीसाठी न्यायालयाच्या समोर आले नाही. दरम्यान प्रशासक कुंदन भोळे यांनी प्रतिज्ञापत्र सादर केले आहे..Solapur DCC Bank Election: मतदार पात्रतेसाठी १ जुलै हीच ‘कट-ऑफ’ तारीख .राज्य सहकारी निवडणूक प्राधिकरणाने निवडणुकीसाठी बँकेला १ जुलै २०२६ ही अहर्ता तारीखही दिली आहे. या तारखेवर अधारित सभासद यादी बँकेने तयार केली आहे, ही यादी सह निबंधक दिग्विजय आहेर यांना सादर केली जाणार आहे. निवडणुकीसाठी आवश्यक असलेला दहा लाख रुपयांचा निधीही बँकेने प्राधिकरणाकडे जमा केला आहे. या स्थितीत न्यायालय काय आदेश देणार? या बद्दल उत्सुकता निर्माण झाली आहे..सोलापूर जिल्हा देखरेख सहकारी संस्थेच्या (केडर) संचालक मंडळाची निवडणूक घ्यावी, या मागणीसाठी विकासरत्न दिलीपराव माने विविध कार्यकारी सेवा सहकारी संस्थेने न्यायालयात याचिका दाखल केलेली आहे. या याचिकेतही न्यायलयाने निवडणुकीबाबत सहकार विभागाला प्रतिज्ञापत्र सादर करण्याचे आदेश दिले आहेत. या याचिकेत प्रतिज्ञापत्र देण्यासाठी उत्तर सोलापूरचे सहाय्यक निबंधक दत्तात्रय भवर यांना प्राधिकृत करण्यात आले आहे..PACS Computerization: बारा हजार सोसायट्यांचे संगणकीकरण पूर्ण.सध्या सहकार विभागाच्यावतीने पुण्यश्लोक अहिल्यादेवी होळकर शेतकरी कर्जमुक्ती योजना सुरू आहे, त्यामुळे केडरच्या निवडणुकीला तीन महिन्यांची मुदतवाढ द्यावी, अशी विनंती सहकार विभागाने न्यायालयाला केली आहे. केडरच्या याचिकेवरही सोमवारीच (ता. २०) सुनावणी होणार आहे. उच्च न्यायालयाने सोमवारी होणाऱ्या सुनावणींची यादी प्रसिध्द केली आहे. या यादीमध्ये डीसीसी बँकेची सुनावणी ४३ व्या तर केडरची सुनावणी ४४ व्या क्रमांकावर आहे..सोसायट्यांना येणार महत्त्वडीसीसी बँकेच्या १९ जागांपैकी ११ जागा विविध कार्यकारी सेवा सहकारी संस्थेतून निवडल्या जातात. जिल्हा देखरेख संघासाठी १६ संचालक निवडले जातात. पोटनियमातील बदलानंतर केडरची पहिल्यांदाच निवडणूक होणार आहे. डीसीसी आणि केडरच्या निवडणुकीसाठी विविध कार्यकारी सेवा सहकारी संस्था महत्त्वाचा घटक ठरणार आहे. कोणाच्या ताब्यात किती सोसायट्या? यावर डीसीसी आणि केडरवरील त्याचे वर्चस्व अवलंबून असणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
