Pune News : पुणे कृषी उत्पन्न बाजार समितीमधील अडत्यांची संघटना असलेल्या असोसिएशनला उच्च न्यायालयाने दणका दिला आहे. १५ नोव्हेंबरच्या आत श्री छत्रपती शिवाजी मार्केटयार्ड अडते असोसिएशनचे निवडणूक प्रकरण निकाली काढण्याचे आदेश धर्मादाय आयुक्तांना दिले आहेत..त्यामुळे मुदत संपूनही निवडणूक न घेणारी अडते असोसिएशन कामाला लागली आहे. निवडणुकीच्या निकालावर न्यायालयाने गंभीर कारवाई करू नये यासाठी वकिलांच्या सल्ल्यानुसार तातडीने वार्षिक सर्वसाधारण सभा घेण्याच्या नोटिसा धाडण्यात आल्या आहेत. या नोटिसीद्वारे शुक्रवारी (ता. ३१) वार्षिक सर्वसाधारण सभा होणार आहे..APMC Pune: शेतीमाल प्रक्रिया मूल्यवर्धन प्रकल्प उभारणार.अडते असोसिएशनच्या कार्यकारिणीची मुदत डिसेंबर २०२४ ला संपली. कार्यकारिणीचा कार्यकाळ संपण्यापूर्वी वार्षिक सर्वसाधारण सभा घेऊन निवडणूक घेण्याचा निर्णय घेणे अपेक्षित होते. मात्र, मुदत संपल्यानंतरही अडते असोसिएशन कार्यकारिणीने निवडणूक घेण्याच्या काहीच हालचाली केल्या नाहीत. .त्यामुळे कार्यकारिणीची त्रैवार्षिक निवडणूक धर्मादाय आयुक्तांच्या आधिपत्याखाली घेण्याची मागणी अडते असोसिएशनचे माजी अध्यक्ष, ज्येष्ठ अडतदार विलास भुजबळ तसेच अडतदार दिलीप खिरीड यांनी सहायक धर्मादाय आयुक्तांकडे केली होती. त्यावर काहीच कार्यवाही होत नसल्याने भुजबळ, खिरीड यांनी मुंबई उच्च न्यायालयात याचिका दाखल केली होती. .Pune APMC: पुणे बाजार समितीचे चौकशी समिती अधिकारी बदलले.या याचिकेवर दोन्ही वकिलांचे म्हणणे ऐकून घेत १५ नोव्हेंबर २०२५ च्या आत हे प्रकरण निकाली काढण्याचे आदेश न्यायालयाने दिले. न्यायालयाचे धर्मादाय आयुक्तांना आदेश येताच अडते असोसिएशनची लगीनघाई सुरू झाली असून ३१ ऑक्टोबर रोजी वार्षिक सर्वसाधारण सभा ठेवली आहे..मुदत संपूनही निवडणूक घेतली जात नसल्याने धर्मादाय आयुक्तांकडे दाद मागितली. तिथेही तारखांवर तारखा पडू लागल्या. त्यामुळे अडते असोसिएशनचे माजी उपाध्यक्ष अमोल घुले यांच्या पुढाकाराने दिलीप खिरीड आणि मला नाइलाजास्तव उच्च न्यायालयात धाव घ्यावी लागली. न्यायालयाच्या दणक्यामुळे निवडणूक लागण्याचा मार्ग दिसू लागला आहे. - विलास भुजबळ, माजी अध्यक्ष, अडते असोसिएशन.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
