Nagpur News : माजी मंत्री सुनील केदार यांच्या गटाची सत्ता असलेल्या कळमना बाजार समितीच्या गैरव्यवहाराच्या चौकशीचे आदेश राज्य सरकारने दिले होते. या विरोधात बाजार समितीने उच्च न्यायालयाच्या नागपूर खंडपीठात याचिका दाखल केली. त्यावर सुनावणी करताना खंडपीठाने ही चौकशी रद्द केली. आता या विरोधात राज्य सरकार सर्वोच्च न्यायालयात अपिल करणार असल्याची माहिती सूत्रांनी दिली. .कोट्यवधी रुपयांची उलाढाल असलेल्या कळमना बाजार समितीवर गेल्या अनेक वर्षांपासून केदार गटाची सत्ता आहे. जिल्हा बँक गैरव्यवहारप्रकरणी श्री. केदार यांची आमदारकी रद्द करण्यात आली. त्यानंतर आता राज्य सरकारने कळमना बाजार समितीवर लक्ष केंद्रित करीत जुलै महिन्यात जिल्हाधिकारी डॉ. विपिन इटनकर यांच्या अध्यक्षतेखाली विशेष तपासणी पथकाची स्थापना केली. .Kalmana APMC: कळमना ‘एपीएमसी’ची ‘एसआयटी’ चौकशी अवैध.या माध्यमातून बाजार समितीमधील गैरव्यवहाराची झाडाझडती घेण्याचे प्रस्तावित होते. मात्र, या एसआयटीला उच्च न्यायालयाच्या नागपूर खंडपीठात आव्हान देण्यात आले. बाजार समितीचे सभापती शेख अहमदभाई करीमभाई व संचालक मंडळाचे सदस्य किशोर पालांदुरकर यांनी ही याचिका दाखल केली होती. .बाजार समितीवर केदारांचे वर्चस्व असल्याने केवळ राजकीय आकसापोटी ही कारवाई केल्याचा दावा या याचिकेद्वारे करण्यात आला होता. ही याचिका मंजूर करीत त्यातील मागण्या उच्च न्यायालयाने मान्य केल्या आहेत. यामुळे राज्य सरकारला मोठा धक्का तर केदार गटाला मोठा दिलासा मिळाला आहे..Kalmana Market : संत्रा-मोसंबीवरील काट पद्धत अखेर कळमना बाजारात बंद.न्यायमूर्ती अनिल किलोर आणि न्यायमूर्ती वृषाली जोशी यांच्या खंडपीठाने अलीकडेच हा निकाल दिला. मात्र, आता राज्य सरकार या प्रकरणी सर्वोच्च न्यायालयात जाणार असल्याचे कळते. त्यासाठी सरकारने विधीविषयक सल्ले घेण्यास व आवश्यक ती तयारी करण्यास सुरुवात केली असल्याची माहिती सूत्रांमार्फत प्राप्त झाली आहे..बरखास्तीचा प्रयत्नकळमना बाजार समितीची सूत्रे आपल्याकडे यावीत यासाठी राज्य सरकार प्रयत्नशील आहे, त्या अंतर्गत या बाजार समितीला राष्ट्रीय बाजाराचा दर्जा देण्यात आला आहे. त्या संदर्भातील अधिसूचना निघताच संचालक मंडळ आपोआप बरखास्त होणार आहे. परंतु त्या आधीच इतर प्रयत्नांच्या माध्यमातून देखील बाजार समितीची सत्ता बळकावण्याचे प्रयत्न राज्य सरकारकडून होत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
