Pune News: इंदापूर तालुक्यातील कळस परिसरातील वाळलेल्या गवताने सोनेरी झालर पांघरलेल्या बोडक्या माळरांनामध्ये चिंकारा हरणांचे कळप चरताना दिसत आहेत. काही महिन्यांपूर्वी हिरवाईने नटलेले डोंगर आता सोनेरी झाले असल्याने, वाळलेल्या चाऱ्यावर चिंकारा ताव मारत आहेत..या निसर्गरम्य दृश्यामुळे परिसरातील उजाड समजल्या जाणाऱ्या माळरानांना नव्याने महत्त्व प्राप्त झाले आहे. यामुळे उजनीच्या पाणलोट क्षेत्रात हिवाळी सफारीसाठी आलेल्या पर्यटकांची पावले कळसच्या माळरानाकडे वळू लागली आहेत..Wildlife Attack: वन्यप्राण्यांचे हल्ले तातडीने रोखा: कौठकर.पहाटेचं तांबड फुटलं, की शांत वातावरणात ५ ते १० चिंकारांचा कळप एकत्र चरताना दिसतो. त्यांच्या सावध हालचाली, टवटवीत अंगकाठी आणि वाऱ्यासोबत डुलणाऱ्या गवतामधील त्यांची उपस्थिती पर्यटकांना मंत्रमुग्ध करते..Wildlife Crop Damage: वन्य प्राण्यांमुळे ४ हजारांहून अधिक शेतकऱ्यांचे नुकसान.माळरानाच्या रंगाशी मिळता-जुळता रंग असलेले हे चिंकारा शत्रूपासून बचाव करण्यासाठी बोडक्या माळरानाचा चरण्यासाठी पर्याय निवडतात. चिंकारांचे हे विलोभनीय दृश्य पाहण्यासाठी प्राणिमित्र व छायाचित्रकारांची पावले आपसूक या बोडक्या माळांकडे वळू लागली आहेत. .कळस परिसरात चिंकारांना अभय कळसचे ग्रामदैवत श्री हरणेश्वर असल्याने येथे चिंकारा हरणांना विशेष महत्त्व आहे. हरणेश्वराचे प्राचीन हेमाडपंथी मंदिर आहे. मंदिराच्या गाभाऱ्याबाहेर छोटा जलकुंभ व त्यामध्ये चिंकारांच्या खुराचे निशाण (पावलांचे ठसे) हे ग्रामस्थांमध्ये हरणांविषयी श्रद्धा निर्माण करते. हरणेश्वर देवामुळे येथे चिंकारांना अभय असल्याने, येथे चिंकारांची संख्या वाढल्याचे दिसून येते. यामुळे परिसर जैवविविधतेच्या दृष्टीने महत्त्वाचा ठरत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
