Jalgaon News: खानदेशात पाऊसमान चांगले होते. यामुळे रब्बीत पेरण्यांची गती वाढत होती. पण दिवाळीपासून पाऊस आहे. यामुळे रब्बीसाठी नियोजित क्षेत्रात ट्रॅक्टरने पूर्वमशाग, पेरणी थांबली आहे. मागील हंगामाच्या तुलनेत पेरा अधिक होणार आहे. पण पावसामुळे पेरा रखडला असून, हा पेरा सुमारे २० टक्के झाला असून, सर्वाधिक पेरणी किंवा लागवड हरभऱ्याची झाली आहे. फक्त काही भागात पेरण्या सुरू असल्याची माहिती आहे. .मागील हंगामातही ११० टक्के पेरा खानदेशात झाला होता. बागायती क्षेत्रात केळीसह हरभरा, ऊस, भाजीपाला व अन्य रब्बी पिकांची पेरणी झाली होती. यंदाही खानदेशात चांगला पाऊस झाला आहे. जळगाव जिल्ह्यात एकूण सरासरीच्या तुलनेत १२० टक्के पाऊस झाला आहे. जळगाव जिल्ह्याचे एकूण पाऊसमान ६३२ मिलिमीटर, धुळ्याचे ५६५ मिलिमीटर व नंदुरबारचे ८५२ मिलिमीटर एवढे एकूण पाऊसमान आहे..Rabi Sowing : रानाला वाफसा येईना, त्यात पुन्हा रिपरिप.सर्वत्र सरासरीपेक्षा अधिक पाऊस खानदेशात झाला आहे. धुळे व नंदुरबारातही पावसाची सरासरी चांगली असल्याने तेथेही रब्बीची पेरणी ११० टक्क्यांपेक्षा अधिक होईल. कोरडवाहू हरभरा, दादर ज्वारीची पेरणी काही शेतकऱ्यांनी केली आहे. पण अन्य पेरण्या पावसाने रखडल्या आहेत. यंदा खानदेशात गिरणा, पांझरा, अनेर, हतनूर, वाघूर आदी प्रकल्पांतूनही सिंचनासाठी पाणी मिळणार आहे. गिरणा प्रकल्पातून २१ हजार हेक्टरवरील रब्बीस पाणी मिळते. .निरभ्र वातावरणाची प्रतीक्षा खानदेशात मका लागवडीसही अनेक शेतकरी पसंती देत आहेत. जळगाव जिल्ह्यात सुमारे ७५ हजार हेक्टरवर मका लागवड होवू शकते. दिवाळीच्या काळात हरभऱ्यापाठोपाठ यंदा मका, ज्वारीची पेरणी केली जात होती. अनेकांनी भाजीपाला पिकांना पसंती दिली. जळगाव जिल्ह्यात रब्बीची सुमारे १८ टक्के पेरणी झाली आहे. धुळे व नंदुरबारातही पेरणी बंद आहे. पाऊस थांबल्यास पुढे वाफसा होण्यास चार ते पाच दिवस लागतील. निरभ्र वातावरणाची प्रतीक्षा शेतकऱ्यांना आहे. .Rabi Sowing : रब्बी हंगामात ३ लाख ३९ हजार हेक्टरवर पेरणी प्रस्तावित.हरभरा अधिक खानदेशात सर्वाधिक पेरणी हरभऱ्याची केली जाते. हरभरा पेरणीला अनेक शेतकरी पसंती देत आहेत. हरभऱ्याएवढी लागवड अन्य कुठल्याही पिकाची तिन्ही जिल्ह्यांत केली जात नाही. जळगाव जिल्ह्यात सुमारे सव्वादोन ते अडीच लाख हेक्टरवर रब्बीची लागवड अपेक्षित आहे..त्यात हरभऱ्याची पेरणी जळगाव जिल्ह्यात सव्वा ते दीड लाख हेक्टरपर्यंत राहील, अशी अपेक्षा आहे. धुळ्यात सुमारे ६० ते ७० हजार हेक्टरवर रब्बीची पेरणी अपेक्षित आहे. नंदुरबारातही सुमारे ८० हजार हेक्टरवर रब्बीची पेरणी होणार आहे. खानदेशात यंदा चार ते सव्वाचार लाख हेक्टरवर रब्बीची पेरणी होईल, अशी अपेक्षा आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
