Jalgaon News : खानदेशात पावसाने हानी अधिकची झाली आहे. मळणीवर आलेला सोयाबीन, मका, ज्वारी आदि पिकांची मोठी नासाडी झाली आहे. मागील आठवड्यात खानदेशात अनेक भागात जोरदार ते अतिजोरदार पाऊस झाला आहे. पावसामुळे सर्वत्र नुकसान होत आहे. .वेचणीवर आलेल्या कापूस पिकातही नुकसान झाले आहे. बोंडे ओली होऊन ती काळवंडू लागली आहेत. ती वेचणी करून लागलीच वाळवावी लागतात, पण पावसाळी वातावरण असल्याने त्यांची वाळवणूकही करता येत नाही, अशी स्थिती आहे..Crop Damage Compensation : अतिवृष्टी नुकसान मदतीसाठी ‘फार्मर आयडी’ बंधनकारक.कापसाची अधिक हानीखानदेशात सुमारे 25 हजार हेक्टरवरील वेचणीवर आलेला कापूस, सुमारे चार हजार हेक्टरवरील सोयाबीन, 25 हजार हेक्टरवरील मका आणि सुमारे 10 ते 11 हजार हेक्टरवरील मळणीवर आलेली ज्वारीची नासाडी पावसाने झाली आहे. मागील आठवड्यात सर्वत्र जोरदार ते अतिजोरदार पाऊस झाला. पीक कापणी, मळणी, काढणीची कामे खानदेशात ठप्प झाली आहेत. .शेतकरी शेतीकामे उरकू शकत नाहीत. फवारणीही करू शकत नाहीत, अशी स्थिती आहे. कारण वाफसास्थिती नाही. अतिपावसाने जळगावात गिरणा, वाघूर, अंजनी, बहुळा, बोरी नदीला मोठा पूर आला. गिरणा धरणातही पाण्याची आवक वाढली होती. यामुळे धरणातून पाण्याचा विसर्ग सुरू करण्यात आला. तसेच तापी नदीवरील भुसावळनजीकच्या हतनूर धरणातूनही पाण्याचा विसर्ग सुरू आहे. यावलमधील मोर नदीलाही मागील आठवड्यात अतिपावसाने पूर आला..Crop Damage Compensation: तत्काळ पंचनामे करून सरसकट नुकसान भरपाई द्यावी .नंदुरबार जिल्ह्यात मागील आठवड्यात सतत पाऊस झाला. नंदुरबार व नवापूर भागात जोरदार पाऊस झाला. यात सणासुदीमुळे बाजार समितीत व्यवहार ठप्प झाले आहेत. धुळ्यातही जोरदार पाऊस झाला. साक्रीमधील पिंपळनेर व परिसराला पावसाचा फटका बसला. जळगाव जिल्ह्यात मागील दोन दिवस अपवाद वगळता पाऊस झालेला नाही. ऊन तापत आहे. निरभ्र वातावरण राहिल्यास पुढे काढणी, मळणीला वेग येईल..ओला दुष्काळ जाहीर कराअतिपावसाचा फटका खानदेशात यंदा सर्वच पिकांना बसला आहे. हाती आलेली पिके खराब झाली आहेत. ऐन सणासुदीच्या काळात शेतकरी वित्तीय संकटात आहे. नंदुरबार, धुळे व जळगाव या तिन्ही जिल्ह्यांत सरासरीपेक्षा अधिक पाऊस झाला आहे. जळगाव जिल्ह्यात तर 115 टक्क्यांपेक्षा अधिकचा पाऊस झाला आहे. यामुळे शेतकरी अडचणीत आले आहेत. ओला दुष्काळ जाहीर करा, अशी मागणी खानदेशातून केली जात आहे. परंतु त्याबाबत ठोस घोषणा झालेली नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
