Kolhapur News : परतीच्या पावसाने यंदा भात कापणी काळात मुक्काम ठोकल्याने सध्या शिवारामध्ये पाणी साचून राहिल्याने कापणी करताना शेतकरी मेटाकुटीला आला आहे. त्यातच दलदलीमुळे भात मळणी करायची कशी, असा प्रश्न शेतकरी बांधवांसमोर उभा आहे. भाताची मळणी रस्त्यावर अथवा अन्य ठिकाणी करताना तारांबळ होत आहे..भुदरगड तालुक्यात ऊस पिकापाठोपाठ भात पीक घेतले जाते. सध्या पावसाने उसंत घेतल्याने भात कापणीची झुंबड उडाली आहे. कापणीच्या निमित्ताने शिवार गजबजले आहे. अवकाळी पावसाने मुक्काम ठोकल्याने अद्याप शेतात चिखल आहे. त्यामुळे भात कापून मळणीसाठी वाहनातून अन्य ठिकाणी शेतकरी नेत आहेत. यामुळे त्रास सहन करावा लागत आहे..Paddy Crop Loss: सत्तर टक्के भातपिकांचे पावसाने नुकसान.यंदा भुदरगड तालुक्यात १६ हजार १०८ हेक्टरवर यंदा भात पीक घेतले आहे. परतीचा पाऊस अधिक दिवस राहिल्याने शिवारात अद्यापही पाणी आणि दलदल आहे. शिवारातील तुंबून राहिलेल्या पाण्यामुळे मळण्या कशा साधायच्या हा प्रश्न शेतकऱ्यांना पडला आहे. अनेक ठिकाणचे शेतकरी मिळेल त्या वाहनांमधून कापलेले भात पीक भरून माळरानावर घेऊन मळणी, झोडणी साधण्याचा प्रयत्न सुरू आहे..Paddy Harvest Issue: सिंधुदुर्गात पावसामुळे भातपीक कापणी पुन्हा ठप्प.तालुक्यातील वेदगंगा नदीच्या काठी ऊस पिकापाठोपाठ भात पीक क्षेत्र आहे. यंदा नदीला पूर आल्याने नदीकाठावरील शिवारात आधीच दलदल झाली त्यातच अवकाळी पाऊस यामुळे शेतकरी अडचणीत आला आहे. सध्या खरीप हंगाम साधून घेतल्यानंतर रब्बी हंगाम कसा साधायचा, याचीही चिंता शेतकऱ्यांना लागून आहे. पावसाच्या वाढलेल्या मुक्कामामुळे रब्बी हंगामही वाढण्याची शक्यता आहे. शेतात अद्याप वाफसा (घात) नसल्याने शेतकरी घात मिळण्याच्या प्रतीक्षेत आहेत..अवकाळी पावसामुळे शेतकरी अडचणीत आला आहे. पावसामुळे भात पीक अडचणीत आले आहे. भात पीक मळणी करताना तारांबळ उडत आहे.शहाजी भोसले, शेतकरी, कोनवडे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
