Nagpur News: विदर्भात सर्वदूर पाचव्या दिवशीही पावसाचा जोर कायम होता. चंद्रपूर, गडचिरोली, अमरावतीसह यवतमाळ जिल्ह्यांच्या काही भागांत मंगळवारी (ता. १९) पावसाने हजेरी लावली. गडचिरोली जिल्ह्यात नदी, नाल्यांना पूर आल्याने तब्बल ११ मार्गांवरील वाहतूक बंद होती. .भंडारा जिल्ह्यात पावसाचा जोर कमी असला तरी काही नाले, नद्यांच्या पाण्याची पातळी कायम आहे. त्यामुळे सावरला ते खातखेडा, सावरला ते विलम, भंडारा ते कारधा या मार्गांवरील वाहतूक बंद असल्याची माहिती प्रशासनाच्या वतीने देण्यात आली. चंद्रपूर जिल्हा प्रशासनाने दिलेल्या माहितीनुसार, या भागात पूरस्थिती कायम आहे..Rain Crop Damage: मराठवाड्यात ३ लाख ५८ हजार हेक्टरवरील पिकांना फटका.त्याचा फटका जिल्ह्यातील सुमारे १ हजार ३७८ हेक्टर पिकाला बसला आहे. चार हजारांवर शेतकरी यामुळे बाधित असल्याचे सांगण्यात आले. बाधित गावांची संख्या १३० इतकी असून धान, कापूस, सोयाबीन, तूर, भाजीपाला या पिकांचा समावेश आहे. चंद्रपूर जिल्ह्यात गेल्या २४ तासांत ६८ मिमी पावसाची नोंद करण्यात आली आहे..Nanded Heavy Rain: मुखेडला पाच नागरिकांसह ५२ जनांवरांचा मृत्यू.यातील ब्रह्मपुरी तालुक्यात सर्वाधिक १४८.५ मिमि पाऊस झाला. त्या पाठोपाठ नागभीड तालुक्यात ९९.४, सावली ९७.२ पाऊस नोंदविला गेला. नागपूर जिल्ह्याचा विचार करता गेल्या २४ तासांत ६१.२ मिमी पाऊस पडला. त्यामध्ये सर्वाधिक ८४.२ मिमी पाऊस कळमेश्वर तालुक्यात नोंदविला गेला. ंबिया बहरातील फळ उत्पादकांना याचा सर्वाधिक फटका बसला. यवतमाळ जिल्ह्यात आर्णी, शेंबाळपिंपरी, महागाव, पुसदसह अनेक शिवारांतील पीक पावसामुळे पूर्णपणे खरडून गेले..नैसर्गिक आपत्तीत मृत्यूचप्राड (ता. लाखांदूर, भंडारा) येथील मनोहर वाकलू कुंभले (वय ६८) हे शेळ्या चारत असताना त्यांचा अंगावर वीज पडून मृत्यू झाला. वाकल (ता. सिंदेवाही, चंद्रपूर) येथील बबलू राम मांदाळे (वय २५) हा युवक नदीकाठी गेला होता. तोल गेल्याने पात्रात पडलेल्या बबलूचा मृत्यू झाला. तब्बल दोन दिवसांनंतर त्याचा मृतदेह हाती लागला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
