Akola News : मागील २४ तासांत पश्चिम विदर्भात पावसाने पुन्हा जोर धरला असून खरीप पिकांवर मोठे संकट ओढवले आहे. हवामान खात्याने सोमवारपर्यंत (ता.२९) येलो अलर्ट जारी केला आहे. सततच्या पावसामुळे शेतकरी हतबल झाले असून, उभ्या तसेच परिपक्व झालेल्या सोयाबीन पिकाचे मोठ्या प्रमाणावर नुकसान होत आहे..यंदा खरीप हंगामात आधीच अतिवृष्टी आणि जोरदार पावसामुळे शेतकऱ्यांचे प्रचंड नुकसान झाले. आता प्रमुख पीक असलेल्या सोयाबीनचे ५० टक्क्यांहून अधिक नुकसान झाल्याचे शेतकरी सांगत आहेत. .Crop Damage : कन्नड तालुक्यात १९ हजार २६४ हेक्टरवरील पिकांचे नुकसान.सोयाबीनचे पीक ऑक्टोबरच्या पहिल्या आठवड्यात काढणीसाठी सज्ज होणार आहे. मात्र सलग पावसामुळे शेतकरी शेतातही जाऊ शकत नाहीत. शेंगा परिपक्व होऊन दाणे तयार झालेले असले तरी सततच्या ओलाव्यामुळे त्यांचे नुकसान होऊ लागले आहे. शेंगा ओलसर राहिल्याने काढणी व मळणी प्रक्रियेत अडचणी निर्माण होत आहेत..अकोला, बुलडाणा आणि वाशीम या तिन्ही जिल्ह्यांमध्ये गेल्या २४ तासांत बहुतांश भागात जोरदार पाऊस झाला आहे. त्यामुळे खरीप हंगामाचा सर्वांत महत्त्वाचा सोयाबीन हंगाम धोक्यात आला आहे. उत्पादन किती हाती येईल याबाबत शेतकरी संभ्रमात आहेत..Rain Crop Damage : २८ हजार हेक्टरपेक्षा अधिक क्षेत्रातील पिकांना अतिवृष्टीचा फटका.पावसाने पुन्हा झोडपलेमागील २४ तासांत सक्रिय झालेल्या पावसाने बऱ्याच तालुक्यात हजेरी दिली. बार्शीटाकळीत सरासरी ४३.६ मिमी, मूर्तिजापूर २९.७, अकोला १६.२ मिलिमीटर पाऊस पडला. वाशीम जिल्ह्यात सर्वत्र जोरदार पाऊस झाला. .कारंजा तालुक्यातील धनज बुद्रुक ७३.३, हिवरा लाहे ७२, उंबरडा बाजार ६६.५, कामरगाव ६६, पोहा ६५.८, पोटी ६६.८ आदी मंडलांत अतिवृष्टी झाली. वाशीम तालुक्यात ४३.१, रिसोड २३.२, मालेगाव ४५.४, मंगरूळपीर ५०.१, मानोरा ४०, कारंजा ५९.५ मिलिमीटर असा सरासरी पाऊस झाला..लवकरच सोयाबीनची काढणी सुरू होणार आहे. आमच्या भागात शुक्रवारी रात्रभर पाऊस झाला. शनिवारी (ता.२७) सकाळीच पाऊस सुरू झाला. खरीप हंगामाचे ७० टक्के नुकसान झाले आहे. किती उत्पादन मिळेल याची शाश्वती दिसत नाही.-अमोल माडोकार, शेतकरी, दत्तापूर, जि. बुलडाणा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
