Sindhudurg News : जिल्ह्यात पावसाचा जोर वाढला असून शुक्रवारी (ता. २६) सायकांळी पाच वाजण्याच्या सुमारास तळेरे-कोल्हापुर महामार्गावरील करूळ (ता. वैभववाडी) घाटात दरड कोसळली. त्यामुळे या महामार्गावरील वाहतूक विस्कळित झाली. .दरम्यान जिल्ह्यात पावसाचा जोर वाढला असून जिल्ह्याच्या अनेक भागात पावसाच्या जोरदार सरी कोसळत आहेत. त्यामुळे परिपक्व झालेल्या भातपिकांचे नुकसान अटळ आहे. जिल्ह्यात गेल्या काही दिवसांपासून हलक्या सरी सुरू होत्या. सिंधुदुर्ग जिल्हयात शुक्रवारी सकाळपासून पावसाचे वातावरण निर्माण झाले..काही भागात जोरदार सरी कोसळत होत्या तर काही भागात दुपारनंतर पावसाचा जोर वाढला. या पावसामुळे तळेरे-कोल्हापुर महामार्गावरील करूळ घाटात दरड कोसळली.त्यामुळे काही काळ वाहतूक विस्कळित झाली. अवजड वाहनांना काही काळ घाटात थांबवून ठेवण्यात आले.महामार्ग प्रधिकरणने अवघ्या काही मिनिटांत दरड हटवून वाहतूक सुरळीत केली. .Landslide Risk: दोन गावांतील ८०० जीव दरडीच्या छायेत.दरम्यान रात्रभर जिल्ह्याच्या बहुतांशी भागात जोरदार पाऊस पडत असून आज सकाळपासून देखील जिल्हयात जोरदार पावसाच्या सरी कोसळत आहेत.त्यामुळे नदीनाल्यांच्या पाणीपातळीत देखील वाढ होत असल्याचे चित्र आहे. जोरदार पावसाच्या शक्यतेने भात उत्पादकांच्या तोंडचे पाणी पळाले आहे..Karul Ghat Landslide: मुसळधारेमुळे करूळ घाटात दरड कोसळली.अगोदरच अनेक शेतकऱ्यांचे भातपीक जमिनीला लगटले आहे. त्यातच आता पुन्हा पावसाच्या शक्यतेने शेतकरी हैराण झाले आहेत. अंदाजानुसार पाऊस झाल्यास जिल्ह्यात भातपिकाचे नुकसान अटळ मानले जात आहे..जिल्ह्यात बऱ्याच ठिकाणी पक्वता अवस्थेत असणाऱ्या हळव्या भात पिकाची पावसाच्या झडीने लोळण होऊ शकते. त्यामुळे भात खाचरात पाणी साचणार नाही याची दक्षता शेतकऱ्यांनी घ्यावी.- डॉ. यशवंत मुठाळ, तांत्रिक अधिकारी, ग्रामीण मौसम सेवा केंद्र, मुळदे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
