Washim News : मंगरुळपीर तालुक्यात मागील दोन दिवस जोरदार पाऊस कोसळल्याने जनजीवन विस्कळित झाले आहे. तालुक्यात सर्वत्र नदी-नाले ओसंडून वाहत आहेत. अनेक गावांना जोडणाऱ्या पुलांवरून पाणी वाहत असल्याने काही गावांचा संपर्क काही काळासाठी तुटला होता..या अतिवृष्टीमुळे शेतकऱ्यांच्या कपाशी, सोयाबीन, भाजीपाला पिकाला मोठा फटका बसला आहे. तालुक्यातील अनेक शेतांतील कपाशीचे पीक पाण्यामुळे खाली पडले आहे, तर नदी-नाल्यांच्या काठावरील शेती पाण्याखाली गेली आहे. मागील अतिवृष्टीमधून जे थोडेफार पीक वाचले होते, ते देखील आता शेतकऱ्यांच्या हातातून जाण्याच्या मार्गावर असल्याने शेतकरी हवालदिल झाले आहेत..Pomegranate Crop Damage : सांगली जिल्ह्यात डाळिंबाचे नुकसान.श्रीक्षेत्र चिखली येथे विजेचा तडाखादरम्यान, तालुक्यातील श्रीक्षेत्र चिखली (झोलेबाबा) येथे शनिवारी (ता. २७) दुपारी ४ च्या सुमारास विजांच्या कडकडाटासह जोरदार पाऊस झाला. याच वेळी, चिखली येथील समाधान मांगुळकर यांच्या घरावर वीज कोसळल्याने छताचे मोठे नुकसान झाले. तसेच घरातील इलेक्ट्रॉनिक साहित्य, विजेचा मीटर आणि शेजारच्या घरांमध्ये असलेली अनेक विद्युत उपकरणे जळून खाक झाली..Crop Damage Survey : ढोल-डफ वाजवित केले अधिकाऱ्यांचे स्वागत.सुदैवाने, ज्या ठिकाणी ही घटना घडली, त्या ठिकाणापासून अवघ्या दहा फूट अंतरावर समाधान मांगुळकर हे आपल्या कुटुंबासह मातीच्या मूर्ती तयार करत होते, मात्र या भीषण प्रसंगात कोणतीही जीवितहानी झाली नाही..रेड अलर्टमुळे चिंता वाढलीदरम्यान, हवामान खात्याने आजही जिल्ह्याला ‘रेड अलर्ट’ दिला असल्याने शेतकऱ्यांची चिंता अधिकच वाढली आहे. प्रशासनाने नागरिकांना दक्षता बाळगण्याचे आणि नदी-नाल्यांच्या काठी न जाण्याचे आवाहन केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
