Sangli News : जिल्ह्यात शनिवारी (ता. २७) रात्रभर जोरदार पाऊस पडला. रविवारी (ता. २८) सकाळपासून पावसाचा जोर मंदावला आहे. द्राक्ष, डाळिंब पिकात पाणी आहे. त्यामुळे शेतकरी धास्तावला आहे..जिल्ह्यात गेल्या चोवीस तासांत ३७.६ मिमी पावसाची नोंद झाली आहे. पेठ, कासेगाव आणि चरण या तीन मंडलांत अतिवृष्टी झाली आहे. जिल्ह्यात अग्रणी नदीची पाणी पातळी स्थिर आहे. बहुतांश भागात सकाळपासून मध्यम ते हलका स्वरूपाचा पाऊस सुरू होता. दुपारनंतर काही भागात पावसाचा जोर वाढला होता. या पावसामुळे शेतकरी संतकात सापडला आहे..Pomegranate Crop Damage : सांगली जिल्ह्यात डाळिंबाचे नुकसान.मृग बहरतील डाळिंब पीक बहरले आहे. परंतु या पावसाने डाळिंब पिकावर पाणी फिरले आहे. पिकात गुडघा भर पाणी साचले आहे. परिणामी डाळिंबावर तेलकट रोगाचा प्रादुर्भाव होण्याची शक्यता आहे. त्यातच द्राक्ष पीकही धोक्यात आले आहे. शेतात पाणी असल्याने फळ छाटणीचे नियोजन कसे करायचे असा प्रश्न द्राक्ष उत्पादक शेतकऱ्यांना पडला आहे..खरीप हंगामातील भुईमूग, सोयाबीन, यासह अन्य पिकाची काढणी सुरू होती. मात्र गेल्या दोन दिवसांपासून पाऊस सुरू आहे. त्यामुळे पिकाची काढणी रखडली आहे. तर जत तालुक्यातील पूर्व भागातील अनेक गावांत मुसळधार पाऊस झाला..Crop Damage Survey : ढोल-डफ वाजवित केले अधिकाऱ्यांचे स्वागत.त्यामुळे मका पिकात पाणी साचल्याने पीक वाया जाण्याची भीती निर्माण झाली आहे. गेल्या दोन ते तीन दिवसांत झालेल्या पावसाने सर्वच पिकांचे नुकसान झाले आहे. त्यामुळे शासनाने बाधित पिकाचे पंचनामे करून तातडीने नुकसान भरपाई द्यावी, अशी मागणी शेतकरी करू लागले आहेत..तालुकानिहाय २४ तासांत झालेला पाऊस मिमीमिरज : ३२.४, जत : १३.३, खानापूर : ३०.७, वाळवा : ५२.६, तासगाव : ३९.७, शिराळा : ४६.२, आटपाडी : ३५.२, कवठे महांकाळ : ४३.०, पलूस : ३०.७, कडेगाव : २७.३..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
