Ahilyanagar News: पंधरा दिवसांपासून सातत्याने पाऊस पडत असलेल्या भागातील फळबागांत पाणी साठून राहिले आहे. परिणामी वेगाने फळ आणि फूलगळती होत आहे. याचा मोठा आर्थिक फटका शेतकऱ्यांना बसणार असल्याचे दिसून येत आहे..अहिल्यानगर जिल्ह्यातील पाथर्डी, जामखेड, कर्जत, शेवगाव, श्रीगोंदा, पारनेर भागांत गेल्या पंधरा दिवसांपासून सातत्याने पाऊस सुरू आहे. अनेक ठिकाणी अतिवृष्टी होत असल्याने शेतात पाणी साठवून राहत आहे. काही शेतकऱ्यांच्या फळबागा पंधरा दिवसांपासून पाण्यात आहेत. बागेत साचलेले पाणी शेतकरी बाहेर काढण्याचा प्रयत्न करत आहेत, मात्र सगळ्याच भागात पाऊस असल्याने व जमिनीची पाणीधारण क्षमता संपलेली असल्याने पाणी निचरा होण्याला अडचणी येत आहेत..Maharashtra Flood Relief: राज्यातील नुकसानीचा एकत्रित प्रस्ताव द्या, मदत करू.तसेच साठलेल्या पाण्यामुळे फळझाडांच्या मुळ्या सडू लागल्या आहेत. तोडणीला आलेली फळे व पानेही आता गळू लागली असून, ती पाण्यावर तरंगत आहेत. आणखी काही दिवस फळझाडे पाण्यातच राहिली तर संपूर्ण बागच उद्ध्वस्त होण्याची भीती निर्माण झाली आहे. अहिल्यानगर जिल्ह्यात मोठ्या प्रमाणावर फळबागांची अशी परिस्थिती झाली आहे..Flood Crop Damage : सोलापूर जिल्ह्यात खरीप पुरता ‘पाण्यात’.झाडे जळणार तर नाहीत ना...?पाथर्डी तालुक्यातील सातवड, करंजी, भोसे या भागांत संत्रा व मोसंबीच्या फळबागांचे प्रमाण अधिक आहे. याच भागात गेल्या काही दिवसांपासून अतिवृष्टी होत आहे. पाणी निचरा होत नसल्याने फळझाडांच्या मुळ्या सडून झाडे जळणार तर नाहीत ना, अशी भीती शेतकऱ्यांना आहे. सध्या अनेक शेतकऱ्यांच्या शेतात गुडघाभर पाणी साचून राहिले आहे..दहा वर्षे चांगले उत्पन्न बागेमधून मिळत होते. मात्र, आता बागच नष्ट झाल्यामुळे आगामी पाच-सात वर्षे पिके घेता येणार नसल्याने चिंताजनक परिस्थिती निर्माण झाली आहे. पुढील पाच वर्षांच्या फळबागांचे उत्पन्न गृहीत धरून राज्य शासनाने मदत करावी.बाबासाहेब क्षेत्रे, संत्रा उत्पादक शेतकरी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
