Nanded News : जिल्ह्यात गेल्या २४ तासांत पुन्हा चार तालुक्यात जोरदार पावसाची नोंद झाली. या काळात १३ महसूल मंडलांत अतिवृष्टी झाली. रविवारी सकाळपर्यंत सरासरी २६.१० मिलिमीटरनुसार १२४.७३ टक्के पावसाची नोंद झाली आहे. पावसामुळे पूरस्थिती कायम आहे. .नांदेड जिल्ह्यात मागील दोन दिवसापासून मुसळधार पाऊस होत आहे. शुक्रवारी रात्री झालेल्या जोरदार पावसामुळे जिल्ह्यातील २५ मंडळात अतिवृष्टी झाली होती. .Nanded Flood: नांदेडमध्ये पूरस्थितीमुळे ४९८ जनावरे मृत्युमुखी.या पावसामुळे जिल्ह्यातील सर्वच नदी नाल्यांना पुर येऊन पुन्हा एकदा पिके पाण्याखाली गेल्याचे दिसून आले. विष्णुपुरी प्रकल्पाचा विसर्ग वाढविल्यामुळे गोदावरी नदी दुथडी भरून वाहत आहे. परिणामी, नदीकाठच्या गावातील हजारो हेक्टर जमीन मागील दोन दिवसापासून पाण्याखाली आहे..Nanded Flood : संसार उघड्यावर, जगायचे कसे?.शनिवारी झालेला पाऊस कंधार तालुक्यातील कंधार मंडळात ८६.५० मिलिमिटर झाला. तर फुलवळ ८३.२५, उस्माननगर ८५.२५, लोहा तालुक्यातील लोहा ८५.२५, माळाकोळी ६७.२५, सोनखेड ८५.२५, कलंबर ८५.२५, हदगाव तालुक्यातील तळणी ७७, निवघा ९८.२५, मनाठा १०३.२५, पिंपरखेड १३८. ७५, किनवट तालुक्यातील मांडवा ९२, माहूर तालुक्यातील वानोळा ७५.२५ मिलिमिटर पाऊस झाल्यामुळे अतिवृष्टी झाली आहे.जिल्ह्यातील काही भागात रस्ते वाहतूक विस्कळित झाली असून शेतजमिनी पाण्याखाली गेल्या आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.