Jalgaon News : खानदेशात जूनच्या सुरवातीला व मे अखेरीस लागवड केलेल्या पूर्वहंगामी (बागायती) कापूस पिकाची वाढ बऱ्यापैकी झाली. पण पावसाने वाताहत झाली आहे. पिकात तणही वाढले. त्यात आता वेचणी सुरू आहे.पण पावसामुळे वेचणी रखडत सुरू आहे. परंतु मजूरटंचाईमुळे अनेक शेतकरी कुटुंबीयांच्या मदतीने वेचणी करून घेत आहेत. .पिकात मोठी मेहनत घ्यावी लागली आहे. तीन ते चार वेळेस आंतरमशागत अनेक शेतकऱ्यांनी पूर्ण केली. आंतरमशागतीला पावसाचा अडथळा अनेकदा आला. तसेच रासायनिक खते देण्याचे कामही शेतकऱ्यांनी तीन वेळेस केले. तीन ते चार फवारण्या घेतल्या. पीक आता चार महिन्यांचे झाले आहे. मध्यंतरी पावसाचा ताण होता. .Monsoon Cotton Crop Management : अतिवृष्टीनंतर कापूस पिकाची घ्यावयाची काळजी .आता पाऊस आहे. अतिपावसात हानी झाली आहे. जळगाव जिल्ह्यात मुक्ताईनगर, बोदवड, जामनेंर, पाचोरा, पारोळा, चोपडा भागात कापसाची हानी अधिक आहे. याच भागात कापूस पीक अधिक आहे. आता पाऊस असल्याने तणही वाढले. यामुळे तण वाढत आहे. त्यात तणशकेही कापसात फवारली जात आहेत..दोनच वेचण्या होणारकापूस पिकात दोनच वेचण्या होतील, अशी स्थिती आहे. कारण पिकाची हानी झाली आहे. त्यातही बोंडे हवी तशी टवटवीत नाहीत. पुढे थंडी पडेल व बोंडे उमलणार नाहीत. ऑक्टोबर हीटमध्ये बोंडे चांगली उमलतात. पण त्यासाठी निरभ्र वातावरण हवे आहे. पण आताही पावसाची स्थिती असल्याने शेतकरी चिंतेत आहेत. पिकावर मोठा खर्च झाला आहे. एकरी २५ ते ३० हजार रुपये खर्च करून हाती काय येईल, याची चिंता शेतकऱ्यांना आहे..Rain Crop Damage : २८ हजार हेक्टरपेक्षा अधिक क्षेत्रातील पिकांना अतिवृष्टीचा फटका.दोन लाख हेक्टर क्षेत्र संकटातखानदेशात सुमारे एक लाख ९५ हजार हेक्टरवर पूर्वहंगामी कापूस पीक आहे. पिकात हलक्या, अधिक पाणी वापराच्या जमिनीत स्थिती ऑगस्टमध्ये बरी होती. पण या महिन्यातील पावसाने हानी झाली. आताही पाऊस अनेक भागात होत आहे. कापूस वेचणीवर येत आहे. पण मजूरटंचाई जळगाव, धुळे व नंदुरबारात आहे. .लहान कापूस पिकातही तण आहे. काही भागात पिकात पाणीच पाणी आहे. त्यात तण वाढत असल्याने शेतकरी नाइलाजाने तणनाशकांचा उपयोगही करीत आहेत. एकरी १४०० ते १८०० रुपये खर्च कापूस पिकात तणनियंत्रणासाठी लागत आहे. कापूस वेचणीदेखील सुरू आहे. पण बोंडे हवामान प्रतिकूल असल्याने उमलत नाहीत. त्यात रोगराईदेखील आहे. पीक लाल पिवळे पडत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
