Latur News: उदगीर तालुक्यात महात्मा गांधी राष्ट्रीय ग्रामीण रोजगार हमी योजनेंतर्गत झालेल्या विकासकामांसाठी केंद्र सरकारकडून मिळणारा कोट्यवधी रुपयांचा थकीत कुशल कामाचा निधी मिळत नसल्यामुळे उदगीर तालुक्यातील ग्रामीण विकासाची सर्व कामे ठप्प झाली आहेत. .उदगीर तालुक्यात रस्ते तयार करण्यासाठी काम केलेल्या मजुरांना जूनपासून मजुरी मिळालेली नाही. तर वैयक्तिक लाभासाठी असलेल्या जनावरांचे गोठे व सिंचन विहिरीवर काम केलेल्या मजुरांनाही सप्टेंबर महिन्यापासून मजुरी मिळाली नसल्यामुळे ग्रामीण विकासाची ही सर्व कामे ठप्प झाली आहेत..Jalyukt Shiwar Fund : ‘जलयुक्त’च्या कामांत निधीअभावी कपात.राष्ट्रीय ग्रामीण रोजगार हमी योजनेअंतर्गत मातोश्री पाणंद रस्ते, सिमेंट व पेव्हर ब्लॉकचे रस्ते, अहिल्यादेवी होळकर सिंचन विहिरी व जनावरांचे गोठे बांधण्याची कामे मोठ्या प्रमाणात सुरू आहेत. यातील वैयक्तिक लाभाच्या असलेल्या विहिरी व गोठ्यासाठी लाभार्थींनी उसनवारीवर पैसे काढून कामे केली आहेत. यासाठी मजुरांनी काम केलेल्या कामासह त्यांचे बँक खाते नंबरही पंचायत समितीला देण्यात आले आहेत..मात्र, अद्यापही निधी प्राप्त न झालेली मजुरांची उपासमार होत आहे. उदगीर तालुक्यात महात्मा गांधी रोजगार योजनेत मजुरांच्या हाताला काम देण्यासाठी कुशल व अकुशल निधीचा समावेश करून वैयक्तिक लाभाची व गावांतील विकासाची कामे करण्यात येत आहेत. या कामांसाठी मिळणारा निधी राज्य सरकारकडून वेळेवर मिळत आहे, मात्र केंद्राकडून मिळणारा निधी वेळेवर मिळत नसल्यामुळे ग्रामीण विकासाची व वैयक्तिक लाभाची कामे थांबली आहेत..Agriculture Department : साताऱ्यात ८३४ कृषिमित्र नियुक्त, पण निधीअभावी काम ठप्प.जून महिन्यापासून रस्त्यांची व सप्टेंबर महिन्यापासून विहिरी व गोठे या कामावर काम केलेल्या कुशल मजुरांना मिळणारा कोट्यवधी रुपयांचा निधी मिळाला नसल्यामुळे या तालुक्यातील ग्रामीण विकासाची कामे ठप्प झाली आहेत..मजुरांच्या खात्यावर पैसेच पडेनातरस्ते, विहिरी व गोठे या कामांवर काम केलेल्या मजुरांची मजुरी मजुरांच्या खात्यावर ऑनलाइन जमा केली जाते. मजुरांनी बँकेचे खाते क्रमांकही दिलेले आहेत. केंद्र सरकारकडून या कामांसाठी मिळणारा निधी उपलब्ध होत नसल्यामुळे लाभार्थी व मजूरवर्ग बँकेला खेटे मारत मेटाकुटीला आले आहेत. याकडे प्रशासनाने तातडीने लक्ष देण्याची मागणी मजुरांमधून होत आहे..निधी उपलब्ध होताच खात्यावर पैसेमहात्मा गांधी राष्ट्रीय ग्रामीण रोजगार हमी योजनेंतर्गत झालेल्या कुशल कामांची मजुरी निधीअभावी मजुरांच्या खात्यावर जमा झाली नाही. निधीची मागणी केलेली आहे. यासाठी नवीन निधी वितरण प्रणाली नुसार कामे पूर्ण झालेली बिले ऑनलाइन करण्यात आलेली आहेत. निधी उपलब्ध होताच मजुरांचा निधी थेट त्यांच्या बँक खात्यावर जमा असल्याचे उदगीरचे गटविकास अधिकारी नरेंद्र मेडेवार यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
