Latur News: मराठवाड्यात निर्यातक्षम द्राक्ष उत्पादन घेणाऱ्या लातूर जिल्ह्यात यावर्षी अतिपाऊस झाला. याचा फटका जिल्ह्यातील द्राक्ष बागांवर झाला असून, ३० टक्के उत्पादनात घट होण्याची भीती व्यक्त केली जात आहे. वेगवेगळ्या फवारण्या करून द्राक्ष बागा जिवंत ठेवण्याचे काम सध्या द्राक्ष उत्पादक शेतकरी करीत आहेत. .दरवर्षी १५० कंटेनरची निर्यातजिल्ह्यात दरवर्षी किमान १५० कंटेनर द्राक्षांची निर्यात केली जाते. लातूर जिल्ह्यातील द्राक्षांना परदेशात ६५ रुपयापासून ते ८० रुपये प्रतिकिलो भाव मिळतो. त्यामुळे येथे मोठ्या प्रमाणात निर्यातक्षम द्राक्ष तयार करण्यावर भर दिला जात आहे..Grape Farmers: अर्ली द्राक्ष उत्पादक शेतकऱ्यांच्या स्वप्नांना यंदाही ‘तडा’.युरोपीय देश चाखतात चवलातूर जिल्ह्यातील द्राक्ष युरोपीय देशात पाठवले जातात. यात प्रामुख्याने नेदरलँड, नॉर्वे, जर्मनी, रोटरडॅम आदी देशांतील नागरिक लातूरच्या द्राक्षांची चव चाखतात. या देशांत द्राक्षांना चांगला भाव मिळत आहे..५०० एकरवर द्राक्ष बागालातूर जिल्ह्यात द्राक्षाचे उत्पादन घेण्याऱ्यांची संख्या चांगली आहे. यात औसा तालुक्यात सर्वाधिक द्राक्ष बागा आहेत. त्यापाठोपाठ रेणापूर तालुक्यात द्राक्ष बागा आहेत. सध्या जिल्ह्यात ५०० एकरवर द्राक्ष बागा उभ्या आहेत..Nashik Grapes Export : नाशिक जिल्ह्यातील ७ हजार ५०० टन द्राक्ष विदेशात.वसाचा फटकाया वर्षी जिल्ह्यात मे महिन्यापासूनच पावसाळ्याला सुरवात झाली आहे. जवळपास सहा महिने कमी-अधिक प्रमाणात पाऊस झाला आहे. त्यात ऑगस्ट व सप्टेंबरमध्ये तर अतिवृष्टी आणि पूर परिस्थिती निर्माण झाली होती. पण द्राक्षासाठी मे हा फळधारणेचा महिना असतो. त्याच काळात येथे पाऊस झाला आहे. त्याचा परिणाम द्राक्षाच्या फळधारणेवर झाला. द्राक्ष बागांना फळधारणेनंतर काही दिवस उन्हाची गरज असते. तेही मिळाले नाही. सातत्याने पाऊस राहिला आहे. याचा फटका या निर्यातक्षम बागांना बसला आहे..लातूर जिल्हा हा द्राक्षांची निर्यात करणारा जिल्हा आहे. दरवर्षी येथून युरोपीय देशात द्राक्षांची निर्यात केली जाते. द्राक्षांना चांगला भावही मिळतो. या वर्षी मेपासून सुरू असलेल्या पावसाचा द्राक्ष बागांवर परिणाम झाला आहे. किमान तीस टक्के उत्पादनावर हा परिणाम आहे. त्यामुळे निर्यातीवर देखील यावर्षी परिणाम होणार आहे.- शिवाजीराव सोनवणे, अध्यक्ष, लातूर जिल्हा द्राक्ष उत्पादक शेतकरी संघ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
