Jalgaon News: खानदेशात मागील पंधरवड्यात विविध भागांत पाऊस झाला असून, यात केळीसह अन्य पिकांची मोठी हानी झाली आहे. महसूल प्रशासनाने पंचनामे केले असून, जळगाव जिल्ह्यात सुमारे एक हजार हेक्टरवरील केळी बागांना फटका बसला आहे. तसेच कापूस, मका पिकाचेही नुकसान दिसत आहे. .मागील महिन्यातही खानदेशात पाऊस झाला. या महिन्यातही पाऊस आहे. यात नंदुरबार, धुळे, जळगावातील काही भागात पाऊस झाला. कापसाची मोठी हानी चोपडा, धरणगाव, जळगाव, जामनेर आदी तालुक्यांत झाली असून, सुमारे १००० हेक्टरला मोठा फटका बसला आहे. कोट्यवधी रुपयांचा फटका कापूस, मका व केळी उत्पादकांना बसला आहे. .Rain Crop Damage : पश्चिम विदर्भात जोरदार पावसाने कापूस, सोयाबीनचे नुकसान.सप्टेंबरमध्ये जामनेर, पाचोरा, मुक्ताईनगर, बोदवड, चाळीसगाव, भडगाव या भागात अधिकचा पाऊस व वादळ झाले. अनेक गावांत पाऊसही सतत होता. यामुळे केळी पिकाची हानी या भागात झाली. महसूल प्रशासनाने पंचनामे केले आहेत. भरपाईसंबंधी पुढील कार्यवाही करण्याची मागणी केली जात आहे. .प्रशासनाबाबत तक्रारीवादळी पाऊस झाला पण महसूल प्रशासन, कृषी सहायक अनेक भागात पोहोचलेलेच नसल्याच्या तक्रारीदेखील आहे. महसूल प्रशासनाची नुकसानीची टक्केवारी कमी आहे, आम्हाला आदेश नाहीत, असे सांगून ढकलाढकल करीत असल्याचे शेतकऱ्यांचे म्हणणे आहे. यामुळे शेतकऱ्यांमध्ये नाराजी असून, या बाबत योग्य ती कार्यवाही करावी, प्रशासनातील वरिष्ठांनी दखल घ्यावी, सरसकट नुकसान भरपाई दिली जावी, अशी मागणी केली जात आहे. .Rain Crop Damage : नाशिक विभागात ८ लाख शेतकऱ्यांचे नुकसान .विमा योजनेतून केळीस नाही मिळणार भरपाईफळ पीकविमा योजनेतून केळीला नोव्हेंबर ते जुलै या नऊ महिन्यांसाठीच विमा संरक्षण दिले जाते. परंतु खानदेशात केळीची हानी सप्टेंबर अखेरीस व ऑक्टोबरमध्येही झाली आहे. या कालावधीत नुकसानीबाबत विमा कंपनीकडून कुठलीही दखल घेण्यात आली नाही..कारण या कालावधीत केळीस विमा संरक्षण नव्हते. यामुळे शेतकऱ्यांना शासनाकडून भरपाईची अपेक्षा आहे. केळीची हानी जामनेर, पाचोरा, मुक्ताईनगर भागात सप्टेंबरमध्ये अतिपावसात अधिक झाली आहे. अनेकांच्या केळी बागा वाहून गेल्या आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
