Jalgaon News : खानदेशात पावसाने हानी सुरू आहे. उडीद, पूर्वहंगामी कापूस पिकास फटका बसत आहे. बुधवारी (ता. ३) दुपारी पाऊस सुरू झाला. रात्रीही पाऊस होताच. उडीद कापणीसह अन्य कामेही रखडली आहेत. .केळी, पपईची काढणी, लागवडही रखडली आहे. काळ्या कसदार जमिनीतील वाफसा नाहीसा झाला आहे. यामुळे आंतरमशागत, फवारणी आदी कामेही थांबली आहेत. या आठवड्यात सुरवातीचे दोन ते तीन दिवस कोरडे होते. ढगाळ वातावरण कायम होते. पण पाऊस नव्हता. .Rain Crop Damage: खानदेशात पावसाने हानी, अनेक भागांत हजेरी.काही भागात फक्त तुरळक, हलका पाऊस होता. यामुळे शेतांत आंतरमशागत, फवारणी, तणनियंत्रण आदी कामे सुरू होती. पण पावसामुळे ही कामे बंद झाली आहेत. गुरुवारी (ता. ४) सकाळपासून अनेक भागात हलका ते तुरळक पाऊस सुरू होता..काळ्या कसदार जमिनीच्या भागात रस्ते चिखलमय झाले आहेत. अवजड वाहने जावू शकत नसल्याने केळीची काढणी करता येत नाही. केळी काढणीवर परिणाम झाल्याने पुढे दरांवर परिणाम होईल, अशीही स्थिती आहे. पूर्वहंगामी कापूस पिकातही कैऱ्या पक्व होत आहेत. त्यात ऊन पडल्यानंतर वेचणीलाही सुरवात नवरात्रोत्सवात अपेक्षित होती. पण पावसाने पक्व कैऱ्यांचीदेखील हानी होत असल्याची स्थिती आहे. कैऱ्या काळ्या पडून त्या खराब होण्याची भीती तयार झाली आहे..उडीद कापणीला फटकाउडीद कापणी व मळणी मध्यंतरी सुरू होती. पण पावसाने कापणी, मळणीची कामे सुरू आहेत. उडीद पीक सर्वत्र पक्व झाले आहे. अनेकांनी मळणीसाठी पीक कापणी केली. पीक आता पावसात तसेच पडून आहे. यामुळे नुकसान वाढेल..Flood Crop Damage : पिकांसोबत मातीही गेली वाहून .गिरणातील साठा ९५ टक्क्यांवरचाळीसगाव (जि.जळगाव) नजीकच्या गिरणा धरणातील जलसाठा गुरुवारी सकाळी ९६.७५ टक्के एवढा होता. हा जलसाठा ९६ टक्के झाल्यानंतर त्यातून विसर्ग सुरू होईल. नदीकाठच्या गावांनी सतर्कता बाळगावी, असे आवाहन गिरणा पाटबंधारे विभागाने केले आहे. .गिरणा धरण मागील वर्षीही १०० टक्के भरले होते. यंदाही धरणात चांगला जलसाठा झाला. तसेच अन्य प्रकल्पांतही जलसाठा वाढला. पारोळा तालुक्यातील बोरी धरणातही १०० टक्के जलसाठा झाला. तसेच भोकरबारी धरणातील जलसाठाही वाढत आहे. भोकरबारीमध्ये गिरणा व मन्याड धरणातून विसर्ग केला जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
