Sindhudurg News: सिंधुदुर्ग जिल्ह्याच्या बहुतांश भागांना बुधवारी (ता. २९) दुपारनंतर मुसळधार पावसाने अक्षरशः झोडपून काढले. किनारपट्टीच्या तालुक्यांत पावसाने धुमाकूळ घातला. मालवणमध्ये विक्रमी १२३ मिमी पावसाची नोंद झाली. .दरम्यान, पावसामुळे भातपिकाचे मोठे नुकसान झाले असून कापणी केलेले भातपीक पाण्यावर तरंगत असल्याचे चित्र पाहायला मिळत आहे. गुरुवारी (ता. ३०) पहाटेपासून जिल्ह्यात पावसाच्या सरींना सुरुवात झाली आहे..Heavy Rain Forecast : राज्यात वादळी पावसाचा इशारा कायम.जिल्ह्यात गेल्या काही दिवसांपासून मुसळधार पाऊस सुरू आहे. हवामान विभागाने देखील तीन-चार दिवस ‘येलो अलर्ट’ दिला होता. बुधवारी सकाळपासूनच जिल्ह्यात पावसाचे वातावरण होऊन कोणत्याही क्षणी पाऊस पडेल अशी स्थिती होती. दुपारपर्यंत हलक्या सरी पडत होत्या..परंतु दुपारी एकपासून मालवण, देवगड, वेंगुर्ला, कुडाळ या तालुक्यांमध्ये मुसळधार पावसाला सुरुवात झाली. किनारपट्टीच्या तालुक्यांना मुसळधार पावसाने अक्षरशः झोडपून काढले. दुपारी एक ते रात्री १० पर्यंत जोरदार पाऊस सुरू होता..Rain Crop Damage : बर्दापूरसह परिसरात मुसळधार पावसाने भाजीपाला पिकांचे नुकसान.या पावसामुळे जिल्ह्यातील भातपिकाचे मोठे नुकसान झाले आहे. कापणी केलेले पीक पाण्यावर तरंगत आहे, तर उभ्या पिकाला कोंब फुटले आहेत. काही ठिकाणी संपूर्ण पीक पाण्याखाली गेले आहे. कापणी करून मळणीकरिता आणून ठेवलेल्या पिकाची मळणी रखडली आहे. त्यामुळे शेतकऱ्यांमध्ये चिंतेचे वातावरण आहे. २५ हजार हेक्टरपेक्षा अधिक पिकाची कापणी अद्याप शिल्लक आहे. गुरुवारी पहाटेपासूनच जिल्ह्यात पावसाचे वातावरण होते. काही भागांत पावसाच्या सरी सुरू झाल्या आहेत. किनारपट्टी तालुक्यात पावसाच्या जोरदार सरी बरसल्या..तालुकानिहाय पाऊस (मिमीमध्ये)दोडामार्ग - ४५, मालवण - १२३, कुडाळ - ४०, कणकवली - ३४, वैभववाडी - २७, देवगड - ६३, सावंतवाडी - १५, वेंगुर्ला - ७५.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
