Chh. Sambhajinagar News : येथील कृषी विज्ञान केंद्रातील शास्त्रज्ञांनी अतिवृष्टीग्रस्त भागात भेट देत केलेल्या पीक पाहणी दरम्यान अलीकडच्या काळात झालेल्या अति पावसामुळे शेतामध्ये पाणी साचून राहिल्यामुळे आले पिकामध्ये कंदकुज तसेच करपा रोगाचा प्रादुर्भाव जास्त प्रमाणात दिसून येत आहे. .फुलंब्री तालुक्यातील अनेक भागामध्ये अतिवृष्टीमुळे मोठया प्रमाणात शेतीचे नुकसान झालेले आहे. या पार्श्वभूमीवर कृषी विज्ञान केंद्र, पैठण रोड, छत्रपती संभाजीनगर-१ येथील वरिष्ठ शास्त्रज्ञ तथा कार्यालय प्रमुख डॉ. दीप्ती पाटगावकर तसेच विषय विशेषज्ञ प्रा. अशोक निर्वळ यांनी फुलंब्री तालुक्यातील मुर्शिदाबादवाडी व विठ्ठलवाडी गावातील पूरग्रस्त भागात भेटी दिल्या. .Ginger Crop : आले पिकावर ‘कंदकुज’चा प्रादुर्भाव, हजारो हेक्टर पिकाला फटका.यावेळी कार्यालय प्रमुख डॉ. दीप्ती पाटगावकर व शास्त्रज्ञांच्या टीमने शेतकऱ्यांशी संवाद साधून नुकसानग्रस्त पिकांची पाहणी केली आणि योग्य उपाययोजना सुचविल्या.आले पिकातील कंदकुज व करपा प्रादुर्भाव लक्षात घेता डॉ. दिप्ती पाटगावकर यांनी आले पिकामध्ये वसंतराव नाईक मराठवाडा विद्यापीठाने विकसित केलेले बायोमिक्सचा शेतकऱ्यांनी एकरी पाच लिटर याप्रमाणे वापर करावा, असा सल्ला दिला. .Ginger Crop Disease : आले पिकातील ‘पानावरील ठिपका रोग’.तसेच प्रा. अशोक निर्वळ यांनी शेतकरी बांधवांनी सतत पडत असलेल्या पावसामुळे मका पिकाचे झालेल्या नुकसानी बदल चर्चा केली असता ७० ते ८० टक्के यावर्षी मका पिकाच्या उत्पादनात घट होईल, असे त्यांनी सांगितले..भेटीदरम्यान तूर, कापूस इतर पिकांची पाहणी केली व विद्यापीठाचे शिफारशी प्रमाणे शेतकरी बांधवांनी कीड व रोगांचे व्यवस्थापन करावे, असा सल्ला दिला. येणाऱ्या रब्बी हंगामातील पिकांच्या नियोजनाबद्दल माहिती दिली. यावेळी प्रगतशील शेतकरी संजय पवार, गावचे सरपंच दिलीप भीमराव पवार व इतर शेतकरी उपस्थित होते. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
