Ahilyanagar News : कापसाचे सर्वाधिक क्षेत्र असलेल्या शेवगाव, पाथर्डी, नेवासा, राहुरी तालुक्यांतील जवळपास १७ महसूल मंडलांत दोन दिवसांपूर्वी अतिवृष्टी झाली. अनेक ठिकाणी शेतात पाणी साचून राहिल्याने कापसाची झाडे पिवळी पडून उत्पादनाला फटका बसण्याची भीती शेतकरी व्यक्त करत आहेत. दरम्यान प्रशासन नुकसानीचे पंचनामे करणार आहे..जिल्ह्यातील काही भागात दोन दिवसांपूर्वी जोरदार पाऊस झाला. शेवगाव आणि पाथर्डीतील सर्वच भाग अतिवृष्टी झाली. आधीही काही दिवसांपासून पाऊस सुरू होता. पिके आता वाढीच्या अवस्थेत असताना अतिवृष्टी झाली. आधी झालेला पाऊस आणि त्यानंतर झालेल्या अतिवृष्टीने शेतात पाणी साचले आहे. .Crop Damage : विदर्भात पावसामुळे शेतशिवार खरडले.ज्या भागात अतिवृष्टी झाली. त्या भागात कापसाचे अधिक आहे. बाजरी, सोयाबीन, तूर, मूग, उडदाचेही क्षेत्र आहे. परंतु आधीच ढगाळ वातावरणामुळे कपाशीवर मररोग आणि थ्रिप्सचा प्रादुर्भाव झाला. अतिवृष्टीने सर्वाधिक नुकसान तूर आणि कपाशीचे झाले आहे. अतिरिक्त पाण्यामुळे सर्वच पिकांची वाढ खुंटली असून, उभी पिके सडायला सुरुवात झाली आहे. .Crop Damage Compensation : अमरावती जिल्ह्यातील पावसाच्या नुकसानभरपाईसाठी १.१८ कोटींची मागणी.अनेक गावांमधील शेतकऱ्यांचे तूर, कापसाचे पीक वाया जाण्याच्या मार्गावर आहेत. शेवगाव तालुक्यातील वडुले, सामनगाव, मळेगाव, आव्हाणे, फलकेवाडी, अमरापूर, ढोरजळगाव, आखतवाडे, आपेगाव, निंबेनांदूर, बोधेगाव, भागातील पिकांचे नुकसान झाले असून वाफसा स्थितीअभावी सोयाबीन व मुगाची काढणी रखडली आहे. याचा फटका थेट उत्पादनाला बसणार असल्याचे स्पष्ट झाल्याने शेतकरी हतबल झाले आहेत..आम्ही या वर्षी खत, बियाणे व मजुरीवर मोठा खर्च केला. आता पिके पाण्याखाली गेल्यामुळे नुकसान झाल्याचे दिसत आहे. सरकारने तातडीने पंचनामे करावेत आणि शेतकऱ्यांना नुकसान भरपाई मिळावी.- संदीप शिंदे, शेतकरी, बोधेगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
