Nandurbar News: यंदा जिल्ह्यात चांगला पाऊस झाला आहे. या महिन्यातही पाऊस झाल्याने सर्वच बंधारे ओसंडून वाहत आहेत. पाण्याचा वापरही कमी असून, जलस्तर वाढीस मदत झाली आहे. .मागील वेळेस काही भागात पाऊस कमी होता. तर काही भागात पावसाने सरासरी गाठली होती. यातच उन्हाळ्याची तीव्रता अधिक वाढली होती. शेतकरी, ग्रामस्थ हैराण झाले होते. गेल्या वर्षी शहादा, नंदुरबार भागात समाधानकारक पाऊस न झाल्याने अनेक बंधारे कमी भरले होते. जलयुक्त शिवाराअंतर्गत बांधलेल्या बंधाऱ्यात पावसाळ्यात मागील वेळेस काही भागांत बऱ्यापैकी जलसाठे होते. भूगर्भातील पाण्याची पातळी मात्र बरी होती. पण यंदा नोव्हेंबरमध्येही जिल्ह्यात पाऊस झाला. यामुळे पाण्याची चिंता सर्वत्र मिटली आहे. जलस्तरही जिल्ह्यात सर्वत्र वाढला आहे. रब्बीला मुबलक पाणी उपलब्ध होणार आहे..Kolhapuri Bandhara : कागलमधील बंधारे दुरुस्तीस ३ कोटी ८३ लाखांचा निधी.भूजलस्तर समाधानकारक स्थितीतशासनाची ‘पाणी अडवा व पाणी जिरवा’ मोहीम अत्यंत महत्त्वपूर्ण असून, पावसाळ्यापूर्वी नद्या-नाल्यांना येणाऱ्या पुराचे पाणी अडविण्यासाठी आतापासून उपक्रम राबविणे गरजेचे आहे. २०२२ व २३ मध्ये विविध सेवाभावी संस्था, संघटना, सामाजिक कार्यकर्ते यांच्या माध्यमातून तळोदा, नवापूर, तसेच शहादा या तालुक्यांत विविध संस्थांनी जलसंधारणाचे उपक्रम राबविले..Kolhapuri Bandhara : सिंचन क्षेत्र वाढविण्यासाठी कोल्हापुरी बंधारे उभारा .तळोदा, नंदुरबार, शहादा तालुक्यांतील शेतकऱ्यांनी यात सहभाग घेतला. गोमाई नदीत नांगरटी केली होती. पहिल्या पावसाचे पाणी नांगरटी केल्या गेलेल्या चाऱ्यांमध्ये थांबले. पूर आल्यानंतरही त्याचा लाभ झाला. आता जलपातळी ९० ते १०० फुटांवर आली आहे..पपई, मिरची पीक कायम राहणारतळोदा, शहादा तालुक्यात बागायती शेती फुलणार व वाढणार आहे. तळोदा, शहादा तालुक्यांत बागायती शेती मोठ्या प्रमाणात केली जात असल्याने तालुक्याची बागायतदार तालुका म्हणून सर्वदूर ओळख आहे. केळी, पपई, ऊस व मिरची ही पिके मोठ्या प्रमाणात घेतली जातात. पण या पिकांना मोठ्या प्रमाणात पाणी लागते. २०२३ मध्ये कमी पावसाने पाण्याची पातळी खोलवर गेल्याने एप्रिल व मेमध्ये पिकांची स्थिती बिकट झाली होती. केळीबागा धोक्यात आल्या होत्या. त्यामुळे शेतकऱ्यांनी विविध उपाययोजना सुरू केल्या. अनेक बोअरवेल कोरडे व्हायला लागले होते. पावसाळ्यापूर्वी उपाययोजना करण्यात आल्या. त्यामुळे आता त्याचा लाभ दिसत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
