Nanded News: नांदेड जिल्ह्यात अतिवृष्टीमुळे झालेल्या शेतीच्या नुकसानीचे पंचनामे होण्यापूर्वीच रविवारी (ता. ५) दुपारनंतर अनेक भागांत जोराचा पाऊस झाला. तसेच सोमवारी (ता. ६) देखील पावसाची नोंद झाली. रविवारी पावसाचे प्रमाण लोहा, कंधार, मुखेड, नायगाव, बिलोली, नांदेड, मुदखेड या तालुक्यांत सर्वाधिक होते. यामुळे १९ महसूल मंडलांत अतिवृष्टीची नोंद झाली आहे. या पावसामुळे कापणीसाठी आलेल्या तसेच कापणी केलेल्या सोयाबीनसह वेचणीसाठी आलेल्या कपाशीचे मोठ्या प्रमाणात नुकसान झाले आहे..नांदेड जिल्ह्यात ऑगस्ट, सप्टेंबर महिन्यांत विक्रमी पाऊस झाला होता. या पावसामुळे जिल्ह्यातील साडेसहा लाख हेक्टरवरील खरिपातील जिरायती पिकांसह बागायती व फळपिकांचे नुकसान झाले आहे. नुकसानीबाबात पंचनामे करण्याचे काम सुरू असताना यानंतर काही दिवस विश्रांती घेतलेल्या पावसाने रविवारी दुपारनंतर जोरदार हजेरी लावली. या पावसाचे प्रमाण मोठे असल्याने अनेक तालुक्यांत रस्ते वाहतुकीवर परिणाम झाला..Rain Crop Loss: मुसळधारेने सोयाबीन, कापसाची धुळधाण.हा पाऊस जिल्ह्यातील लोहा, कंधार, मुखेड, नायगाव, बिलोली, नांदेड, मुदखेड या तालुक्यांत सर्वाधिक झाले. यामुळे कापणीला आलेले तसेच उभे असलेले सोयाबीन व वेचणीला आलेल्या कपाशीचे मोठ्या प्रमाणात नुकसान झाले. सोमवारी सकाळी साडेआठपर्यंत सरासरी ३८.१० मिलिमीटर पाऊस झाला आहे. तर १९ मंडलांत अतिवृष्टी झाली. दरम्यान आजही जिल्ह्यात ढगाळ वातावरण आहे..Paddy Crop Damage: हळव्या भाताचे अतोनात नुकसान.रविवारी (ता. ५) अतिवृष्टी झालेले मंडलेआदमपूर ६६.३०, लोहगाव ८८, रामतीर्थ ७८.२५, जांब ६५.५०, बाऱ्हाळी ९३.८०, कुरुळा ६५.५०, फुलवळ ८०.५०, उस्माननगर १०४.३०, दिग्रस ६५.५०, लोहा १०४.३०, सोनखेड १०४.३०, कलंबर १०४.३०, मुदखेड ६७.५०, मुगट ६७.५०, उमरी ७२.३०, धानोरा ९३.५०, कुटूंर ७५.५०, नरसी ८८, नायगाव ९६.५०, बरबडा ९३.५०..तालुकानिहाय झालेला पाऊस (मिलिमीटरमध्ये)नांदेड २६.४०, बिलोली ४८.४०, मुखेड ४३.५०, कंधार ६०.७०, लोहा ७४.९०, हदगाव १४.३०, भोकर ४२.६०, देगलूर ३१.९०, किनवट १२.१०, मुदखेड ६०.५०, हिमायतनगर २.३०, माहूर ०.००, धर्माबाद ३७.३०, उमरी ५८.७०, अर्धापूर २५.८०, नायगाव ७८.५०..सोमवारी (ता. ६) मंडलनिहाय झालेला पाऊस (मिमी) भोकर ५६.३, तामसा ४२, इस्लापूर ५३.८, जलधरा ५३.८, धर्माबाद २५.०, सिरंजखोड ४२.८, हिमायतनगर २६.३, जवळगाव २५.८, सरसम २६.३..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
