Satara News : नुकत्याच झालेल्या अतिवृष्टीत जिल्हा प्रशासनाच्या नजर अंदाजानुसार साडेसहाशे हेक्टरवरील बागायती पिकांचे मोठे नुकसान झाले आहे. याचा ८७ गावांतील ११९५ शेतकऱ्यांना फटका बसला आहे. या नुकसानीत आणखी वाढ होण्याची शक्यता असल्याचे महसूल प्रशासनाकडून सांगण्यात येत आहे..शनिवारी (ता. २७) पावसाचा जोर ओसरला असून रविवारी (ता. २८) सकाळी २४ तासांत सरासरी २२.१ मिमी पावसाची नोंद झाली आहे. बंगालच्या उपसागरात उद्भवलेल्या कमी दाबाच्या पट्ट्यामुळे गेल्या दोन दिवसांपासून जिल्ह्यात मुसळधार पाऊस पडत आहे. यामध्ये पश्चिमेकडील तालुक्यांसह दुष्काळी माण, खटाव तालुक्यांना पावसाने सर्वाधिक झोडपले आहे. .Rain Crop Damage : अतिवृष्टी पीकनुकसानीचे ८६ टक्के पंचनामे पूर्ण.त्यामुळे खरिपासह बागायती पिकांचे मोठे नुकसान झाल्याने शेतकऱ्यांचे कंबरडे मोडले आहे. नजर अंदाजानुसार साडेसहाशे हेक्टरवरील बागायती पिकांचे नुकसान झाल्याचे महसूल प्रशासनाचे म्हणणे आहे. पाऊस थांबल्यावर प्रत्यक्ष पंचनामे झाल्यावर यामध्ये आणखी वाढ होणार आहे. .Rain Crop Damage : मंगरुळपीर तालुक्यात पिकांचे नुकसान.नजर अंदाजानुसार गेल्या दोन दिवसांत झालेल्या अतिवृष्टीत खटाव तालुक्यातील ५१, माणमधील २८, कऱ्हाड तालुक्यातील तीन, कोरेगाव तालुक्यातील पाच गावे बाधित झाली आहेत. तब्बल १३ मंडलांत अतिवृष्टी झाल्याचे आकडेवारीवरून स्पष्ट होत आहे. अतिवृष्टीच्या निकषानुसार या शेतकऱ्यांना भरपाई मिळावी, अशी मागणी आता जोर धरू लागली आहे. .तालुकानिहाय बाधित क्षेत्रामध्ये माण ४७९, खटाव १३४.५०, कोरेगाव ५.९०, कऱ्हाड ०.८१ हेक्टरवरील बागायती पिकांचा समावेश आहे. यात माण, खटाव तालुक्यांतील भाजीपाला, मका, सोयाबीन, उडीद, घेवडा, बाजरी, मूग, झेंडू, भुईमूग, आले, पावटा, कांदा, द्राक्षे, तसेच कऱ्हाडमधील टोमॅटो, कोरेगावातील भाजीपाला, सोयाबीन व इतर पिकांचा समावेश आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
