Parbhani News : प्राथमिक अंदाजानुसार परभणी जिल्ह्यात अतिवृष्टीमुळे ३ लाख ८१ लाख ४६१ शेतकऱ्यांच्या २ लाख ३७ हजार ३५१ हेक्टरवरील पिकांचे नुकसान झाले आहे. मंगळवार (ता. २३) पर्यंत २ लाख ३ हजार २१ हेक्टर क्षेत्रावरील (८६.४८ टक्के) पंचनामे पूर्ण झाले आहेत. सोयाबीन, कपाशी, तूर या पिकांचे सर्वाधिक नुकसान झाले, अशी माहिती महसूल विभागाच्या सूत्रांनी दिली..जिल्ह्यात जून ते सप्टेंबर महिन्यातील (मॉन्सून कालावधीतील पावसाची सरासरी ७६१.३ मिमी आहे. परंतु यंदा बुधवार (ता. २४) पर्यंत ८०३.५ मिमी (१०५.५ टक्के) पाऊस झाला. जिल्ह्यातील ५२ पैकी गंगाखेड व सावंगी म्हाळसा हे दोन मंडले वगळता इतर ५० मंडलात अतिवृष्टी झाली. जायकवाडी, माजलगाव या धरणातील विसर्गामुळे गोदावरी नदीला महापूर आला..पाथरी, मानवत, सोनपेठ, परभणी, गंगाखेड, पालम, पूर्णा या तालुक्यातील पीके कित्येक तास पाण्यात राहिली.निम्नदुधना धरणातील विसर्गामुळे सेलू, मानवत, जिंतूर, परभणी तालुक्यातील दुधना नदी काठच्या पिकांचे नुकसान झाले..Crop Damage Compensation : पूर, अतिवृष्टिग्रस्तांसाठी सांगली जिल्ह्यात नऊ कोटींची भरपाई.करपरा नदीच्या पुरामुळे जिंतूर तालुक्यातील अनेक गावातील पिके मातीमोल झाली. यंदाच्या खरीप हंगामात जिल्ह्यात ५ लाख १५ हजार हेक्टरवर पेरणी झाली आहे. अतिवृष्टी, पुराचा सोयाबीन, कपाशी, तूर या पिकांना सर्वाधिक फटका बसला आहे.\.सप्टेंबर मधील अतिवृष्टी व महापुरांमुळे जिल्ह्यातील २८१ गावे बाधित असून १ लाख ४२ हजार ९३१ शेतकऱ्यांच्या ८६ हजार १२८ हेक्टरवरील पिकांची हानी झाली आहे. जिंतूर, सेलू, गंगाखेड तालुक्यातील पंचनामे सुरु आहेत. पंचनाम्यानंतर अंतिम बाधित क्षेत्र, शेतकरी संख्या निश्चित होईल. त्यानुसार शेतकऱ्यांना मदत देण्यासाठी निधीची मागणी केली जाईल, असे महसूल विभागाच्या सूत्रांनी सांगितले..१ जून ते २३ सप्टेंबरपर्यंत अतिवृष्टी झालेली मंडले४ वेळा अतिवृष्टी झालेली मंडले ः झरी, बोरी, देऊळगावगात, मोरेगाव, कासापुरी, राणीसावरगाव, पिंपळदरी, पालम, पेठशिवणी, ताडकळस ( एकूण १०)..Crop Damage Compensation : हिंगोली जिल्ह्यासाठी २३५ कोटी मंजूर.३ वेळा अतिवृष्टी झालेली मंडले ः परभणी, परभणी ग्रामीण, सिंगणापूर, पिंगळी, दूधगाव, सेलू, चिकलठाणा, केकरजवळा, रामपुरी, पाथरी, हादगाव, माखणी, चाटोरी, बनवस, पूर्णा, लिमला, कात्नेश्वर, कावलगाव (एकूण १८).२ वेळा अतिवृष्टी झालेली मंडले ः पेडगाव, जांब, जिंतूर, बामणी, चारठाणा, आडगाव, वाघीधानोरा, मानवत, कोल्हा, ताडबोरगाव, सोनपेठ, आवलगाव, शेळगाव, वडगाव, चुडावा. (एकूण १५).१ वेळा अतिवृष्टी झालेली मंडले ः दैठणा, टाकळी कुंभकर्ण, वालूर, कुपटा, बाभळगाव, महातपुरी, रावराजूर (एकूण ः ७)..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
