Chh. Sambhajinagar News : फुलंब्री तालुक्यात अतिवृष्टीमुळे मत्स्य व्यावसायिकांचे मोठे नुकसान झाले. याची प्रत्यक्ष पाहणी करण्यासाठी दुग्ध व मत्स्य व्यवसाय मंत्री नीतेश राणे यांनी शुक्रवारी (ता. ३) फुलंब्री तालुक्यात दौरा केला. यावेळी मत्स्य व्यवसायिकांना त्यांनी धीर दिला. .मागील गेल्या काही दिवसांपासून झालेल्या मुसळधार पावसामुळे तळी, तलाव, बंधारे व मत्स्य प्रकल्प पाण्याखाली गेले. अनेक ठिकाणी माशांचे जाळे व संरचना वाहून गेल्याने मत्स्यव्यवसायिकांचे आर्थिक नुकसान झाले आहे. .Fish Farming : विदर्भात मत्स्य व्यवसायातून निळ्या क्रांतीला चालना.मत्स्य व्यवसायावर अवलंबून असलेल्या कुटुंबांना सध्या मोठ्या संकटाचा सामना करावा लागत आहे. यावेळी मंत्री श्री. राणे यांनी मत्स्य व्यावसायिक व शेतकऱ्यांची थेट भेट घेऊन त्यांचे हालहवाल जाणून घेतले. .प्रशासनाला तातडीने पंचनामा करून मदत पुरविण्याचे निर्देश दिले. तसेच राज्य सरकार शेतकरी व मत्स्य व्यावसायिकांच्या पाठीशी असल्याचे आश्वासन त्यांनी यावेळी दिले. पाहणीवेळी आमदार अनुराधा चव्हाण यांच्यासह अधिकारी व पदाधिकाऱ्यांची मोठ्या संख्येने उपस्थिती होती..Cage Fish Farming : शेततळ्यात पिंजरा पद्धतीने शाश्वत मत्स्यशेती करणे शक्य. ३८ लाखांचे नुकसान...शिवना टाकळी मध्यम प्रकल्पातून सुमारे ३८ लाख ७८ हजार रुपयांचे नुकसान झाल्याची माहिती आदिवासी मत्स्यव्यवसायिक सहकारी संस्थेने दिली. यामध्ये अंदाजे ४० टन मासे, अंदाजे २० टन उपलब्ध असलेला मत्स्यसाठा, संचयन केलेले बोटुकली मत्स्य बीज, अंदाजे १०० ग्राम ते एक ते दोन किलोपर्यंत पाच लाख बोटूकली मत्स्यबीज, संस्थेच्या तीन लाख रुपयाचे जाळ्या, सभासदांच्या २० जाळ्या अंदाजे किंमत २ लाख ७६ हजार आदी झालेल्या नुकसानीचा समावेश असल्याची माहिती अध्यक्ष पन्नालाल बिरोटे यांनी दिली..मत्स्य व्यावसायिकांच्या मागण्या नुकसानभरपाईसाठी त्वरित निधी द्यावा मत्स्य प्रकल्पांसाठी विशेष पॅकेज जाहीर करावे भविष्यातील नुकसानीसाठी विमा योजना राबवावी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
