Trimbakeshwar Rain: जुलै महिन्याच्या अखेरीस नाशिक जिल्ह्यात पावसाने दमदार पुनरागमन केले असून पश्चिम पट्ट्यात मुसळधार पाऊस कोसळत आहे. बुधवारी (ता. २२) सकाळी १०.३० वाजेपर्यंतच्या २४ तासांत जिल्ह्यात त्र्यंबकेश्वर, सुरगाणा आणि पेठ तालुक्यांत अतिवृष्टीची नोंद झाली. घाटमाथा व धरणांच्या पाणलोट क्षेत्रात पावसाचा सर्वाधिक प्रभाव दिसून आला..जिल्ह्यात सरासरी ३२.६ मिमी पावसाची नोंद झाली. जूनपासून आतापर्यंत जिल्ह्यात २८१.९ मिमी पाऊस झाला असून तो सरासरीच्या ७१.६ टक्के आहे. त्र्यंबकेश्वर तालुक्यातील ठाणापाडा मंडळात १९८.५ मिमी आणि हरसूल येथे १५८.५ मिमी पावसाची नोंद झाली. तसेच त्र्यंबकेश्वर येथे १२० मिमी आणि वेळुंजे येथे १०८ मिमी पाऊस झाला..Nashik Heavy Rain : अतिवृष्टीचे थौमान; पिकांची दाणादाण.सुरगाणा तालुक्यात २४ तासांत सरासरी १२०.७ मिमी पाऊस झाला. उंबरठाण आणि खोकरी येथे प्रत्येकी १३३.५ मिमी, सुरगाणा १२०.३ मिमी, बोरगाव ११७ मिमी आणि मनखेड ११३ मिमी पावसाची नोंद झाली. पेठ तालुक्यात सरासरी ८०.३ मिमी पाऊस झाला. जोगमोडी येथे ९४.८ मिमी, तर कोहोर आणि करंजाळी येथे प्रत्येकी ७५.५ मिमी पावसाची नोंद झाली..दिंडोरी तालुक्यातील ननाशी महसूल मंडळातही अतिवृष्टी झाली. याशिवाय मालेगाव, बागलाण, कळवण, नांदगाव, नाशिक, इगतपुरी, निफाड, सिन्नर, येवला, चांदवड आणि देवळा तालुक्यांत हलक्या ते मध्यम स्वरूपाचा पाऊस झाला. दमदार पावसामुळे पश्चिम भागातील नद्या-नाल्यांच्या पाणीपातळीत वाढ झाली असून भातलागवडीच्या कामांना वेग आला आहे..Nashik Rain Update: नाशिक जिल्ह्यात पावसाची उघडीप.६ धरणांतून विसर्गपश्चिम भागातील पाणलोट क्षेत्रात सुरू असलेल्या मुसळधार पावसामुळे जिल्ह्यातील धरणांतील जलसाठ्यात वाढ होत आहे. नाशिक पाटबंधारे विभागाच्या बुधवारी (ता. २२) सकाळी ६ वाजेपर्यंतच्या अहवालानुसार, जिल्ह्यातील २६ प्रमुख धरणांमध्ये ३७,७६५ दशलक्ष घनफूट उपयुक्त पाणीसाठा उपलब्ध आहे. गतवर्षी याच दिवशी हा साठा ४६,४७३ दशलक्ष घनफूट होता. त्यामुळे यंदा सुमारे १२ टक्के तूट कायम आहे. भावली धरण शंभर टक्के भरले असून पाण्याचा विसर्ग सुरू करण्यात आला आहे..पालखेड धरणातून १,३९२ क्युसेक्स, पुणेगावमधून १८३ क्युसेक्स, भावलीमधून १,२१८ क्युसेक्स, कडवा धरणातून ३७४ क्युसेक्स, तर चणकापूर धरणातून ७,६३० क्युसेक्स पाण्याचा विसर्ग सुरू असल्याची माहिती पाटबंधारे विभागाने दिली. तर दुपारी ३ वाजता गंगापूर धरणातून १९९ क्युसेक्स विसर्ग गोदावरी नदीपात्रात सोडण्यात आला. विसर्गात टप्याटप्यांने वाढ होण्याची शक्यता आहे. त्यामुळे नागरिकांना सतर्क राहण्याच्या सूचना देण्यात आल्या आहेत..या महसूल मंडलांत अतिवृष्टीची नोंदमहसूल मंडळ पाऊस(मिमी)उंबरठाणा १३३.५खोकरी १३३.५सुरगाणा १२०.३बोरगाव ११७.०मानखेड ११३.८बाऱ्हे १०५.८ननाशी ९४.८जोगमोडी ९४.८पेठ ७५.५कोहोर ७५.५करंजाळी ७५.५त्र्यंबकेश्वर १२०.०वेळूंजे १०८.०हरसूल १५८.५ठाणापाडा १९८.५दहाडेवाडी ८७.५.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
