संदीप रायपुरेChandrapur News: यंदा सरासरीपेक्षा मोठ्या प्रमाणात पाऊस झाल्याने जिल्ह्यातील धान-कापूस या मुख्य पिकांना निम्म्याहून अधिक फटका बसला. दुसरीकडे पिकांना पुरेसा भावही नाही, अशा स्थितीत यंदा शेती पुरती घाट्यात गेली आहे. अशातच वाघाच्या भीतीने अनेकांचे पीक शेतात तसेच उभे असल्याने शेतकरी कोंडीत सापडला आहे..चंद्रपूर जिल्ह्यात धान व कापूस पिकांचे सुमारे २९ हजार हेक्टर क्षेत्र आहे. यंदा चांगल्या पाऊसमानामुळे लागवड झाल्यानंतर मध्यंतरीच्या पावसाने उभ्या पिकांना आडवं केलंय. अनेकांच्या बांद्यात पाऊस साचल्याने त्यांना मोठा फटका बसला. ओंब्या-बोंडांसह पिकांना कोंब फुटली. निम्म्याहून अधिक नुकसान झाले आहे. .Leopard Threat: साखर आयुक्तालयाच्या ‘बिबट’संबंधी उपाय कागदावरच.अशातच वाघाने गोंडपिपरी तालुक्यात घेतलेल्या दोन बळींनंतर त्याच्या दहशतीचा मोठा फटका हजारो हेक्टर शेतीला बसला आहे. अनेकांची पिके अद्याप शेतात तशीच उभी आहेत. दरही हमीभावाच्या खाली असल्याने शेतकरी कोंडीत सापडला असून सरकारने हमीभाव केंद्र सुरू करण्याची आणि वाघांच्या बंदोबस्ताची मागणी केली आहे..धान-कापसानंतर वाघाच्या भीतीने भाजीपाला उत्पादक शेतक-यांवरही मोठे संकट कोसळले आहे. गोंडपिपरी तालुक्यातील गणेशपिपरी, चेकपिपरी, सुकवासी यासह अनेक गावात भाजीपाला उत्पादन करणाऱ्या शेतकऱ्यांची संख्या मोठी आहे. याभागातच वाघाने धुमाकूळ घातला आहे. दोघांचे बळी गेले आहेत. .Farmers Crisis: उत्तर कर्नाटकमध्ये यावर्षी १३ लाख हेक्टर पिकांचे नुकसान; तुरीचे उत्पादन धोक्यात.वनविभागाने अद्यापही त्याला जेरबंद न केल्याने शेतकरी शेतात जाण्यास धजावत नाही. बळी घेणारा टी-११५ गेल्या पंचवीस दिवसांपासून गायब आहे. तर दुसरा वाघ परिसरात वावरतांना दिसत आहे. विभागाची शंभराहून अधिकांची टीम महिनाभरापासून काम करीत असताना त्यांना अजूनही वाघ भेटत का नाही, हा प्रश्न आता बळिराजा विचारत आहे..गोंडपिपरीतील पीकस्थिती आणि दर (प्रति क्विंटल)पीक : क्षेत्र (हे.) : दर (रुपये)धान : ११,००० : २,८००कापूस : १८,००० ६,९००.जास्त झालेल्या पावसाने मोठ्या प्रमाणावर धानपिकाचे नुकसान झाले. कापूस पिकालाही फटका बसला. वाघाच्या भीतीनं मजूर मिळेनासे झाले. त्यामुळं मजुरीचाही भुर्दंड अतिरिक्त झाला.- लहानू फुलझेले, शेतकरी, खराळपेठ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
