Jalgaon News: खानदेशात सध्या कापूस, उडीद, केळी, पपई काढणीचा हंगाम सुरू आहे. परंतु सततच्या पावसामुळे नुकसान पातळी वाढत आहे. मध्यंतरी पाचोरा, भडगाव, जामनेर, बोदवड, मुक्ताईनगर भागात अतिजोरदार पाऊस झाला. काही तासांत मोठा पाऊस झाल्याने अनेक नद्या प्रवाही झाल्या. .मागील आठवड्यात अनेक भागांत उघडीप व हलका पाऊस अशी स्थिती होती. पण रविवारी (ता.२१) मध्यरात्री अनेक भागांत जोरदार ते अतिजोरदार पाऊस झाला आहे. जळगाव जिल्ह्यात पाचोरा, भडगाव भागांत जोरदार पाऊस झाल्याने बहुळा व अन्य नद्यांना पूर आला आहे..Marathwada Heavy Rainfall: मराठवाड्यात पावसाचे थैमान.भडगाव भागातही जोरदार पाऊस झाला असून, काही मंडलांत अतिवृष्टीची नोंद झाली आहे. तसेच जळगाव जिल्ह्यातील चोपडा, जळगाव, यावल, भुसावळ, जामनेर, एरंडोल, धरणगाव या भागांतही पाऊस झाला आहे. .कापसाची हानीपूर्वहंगामी कापूस पिकात बोंडे उमलू लागली आहेत. त्यात वेचणीची कामेही काही भागांत सुरू झाली आहेत. वेचणीसाठी मजूर उपलब्ध होत नसल्याची स्थिती आहे. अशात पाऊस पुन्हा एकदा सक्रिय झाल्याने शेतकरी चिंतेत आहेत. .Marathwada Heavy Rainfall: मराठवाड्यातील ७५ मंडलांत अतिवृष्टी.अनेक तालुक्यांत अति पाऊसखानदेशात धुळे, जळगाव व नंदुरबारातील अनेक तालुक्यांत सरासरीपेक्षा अधिकचा पाऊस झाला आहे. त्यात जळगावातील पाचोरा, भडगाव, चाळीसगाव, जामनेर, पारोळा या भागांत १४० टक्क्यांवर पाऊस झाला आहे. जळगावचे एकूण पाऊसमान ६३२ मिलीमीटर आहे. जिल्ह्यात ६५० मिलीमीटर पाऊस झाला आहे. जळगाव जिल्ह्यातील यावल, रावेर भागात मात्र पाऊसमान कमीच आहे. .धुळ्याचे एकूण पाऊसमान ५६५ मिलीमीटर असून, धुळ्यातही पावसाने सरासरी ओलांडली असून, तेथे ६१५ मिलीमीटर पाऊस झाला आहे. नंदुरबारचे पाऊसमान ८५४ मिलीमीटर आहे. नंदुरबारातील पाऊसही सरासरीपेक्षा अधिक झाल्याची माहिती आहे..अतिवृष्टीचे सावटगिरणा, अंजनी, बहुळा आदी नद्या तसेच प्रकल्पांत पाणीच पाणी आहे. खरीप हंगामावर अतिवृष्टीचे सावट आहे. .खानदेशात अनेक भागांत सततच्या पावसाने आता सोयाबीन पीकही हातचे जाऊ लागले आहे. ओला दुष्काळ जाहीर करा, अशी मागणी केली जात आहे. पुन्हा पाऊस आल्याने हानी वाढत आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
