Latur News : गेल्या काही दिवसांपासून तालुक्यात झालेल्या अतिवृष्टीमुळे खरीप हंगामातील उडीद, मूग, तूर यासह सोयाबीन पिकाचे मोठ्या प्रमाणात नुकसान झाले आहे. नुकसान झालेल्या क्षेत्राची माहिती देण्यासाठी शेतकरी कृषी कार्यालयाला खेटे घालत आहेत. मात्र, नैसर्गिक आपत्तीच्या काळात अधिकारी व कर्मचारी ‘मुख्यालयी’ राहत नसल्याने तालुका कृषी विभागाचा कारभार ‘रामभरोसे’ झाला असून, कार्यपद्धतीवर नाराजी व्यक्त होत आहे. .निलंगा तालुक्याचे कार्यक्षेत्र मोठे असून १६२ महसुली गावांचा समावेश आहे. यंदा मृग नक्षत्रात पेरणी झाल्यामुळे सोयाबीनसह खरीप हंगामातील पिकांची परिस्थिती समाधानकारक आहे. मात्र, गेल्या आठ दिवसांपासून तालुक्यातील विविध भागांत चांगला पाऊस झाला. .Crop Damage Survey : महापुराचे पाणी शिरलेल्या सर्व शेतीचे पंचनामे करा.तर, काही महसुली मंडळांत अतिवृष्टी झाली. निटूर महसूल मंडळात तर १२० मिलिमीटर पाऊस झाला. तालुक्यातील मांजरा व तेरणा या दोन्ही नद्या भरून वाहत आहेत. अतिवृष्टीच्या काळात सर्वच अधिकारी व कर्मचाऱ्यांना मुख्यालयी राहण्याच्या सूचना जिल्हा प्रशासनाने दिल्या असतानाही कृषी विभागाचा कारभार मात्र रामभरोसे आहे..या कार्यालयांतर्गत तीन मंडळ कृषी कार्यालय असून, प्रत्येक मंडळाला दोन सुपरवायझर व प्रत्येक सुपर वायझरच्या अधिकाराखाली सहा कृषी सहायक आहेत. मात्र, कोणतेही अधिकारी अथवा कर्मचारी मुख्यालयी राहत नाहीत. .Rain Crop Damage : साहेब, आता सगळं संपलं; शेतात फक्त पाणीच पाणी.कृषी विभागाच्या कार्यालयीन कामकाजाच्या रचनेत क्षेत्रीय अधिकारी, कर्मचारी व कार्यालयीन अधिकारी, कर्मचारी असे दोन विभाग असले तरी क्षेत्रीय कर्मचारी बहुतांश वेळा ना क्षेत्रावर ना शेतावर दिसत नाहीत. तालुका कृषी अधिकारीच मुख्यालयी राहत नसल्यामुळे व त्यांचा कर्मचाऱ्यांवर कोणताही धाक नसल्याने शेतकऱ्यांची मात्र हेळसांड होताना दिसत आहे..अतिवृष्टीमुळे नुकसान झालेल्या पिकासंदर्भात तहसीलदार यांनी पंचनामा करण्याचे आदेश दिले आहेत. लवकरच तलाठी व कृषी सहायक पंचनामे करतील. जे कृषी सहायक कुचराई करतील, त्यांच्याबद्दल तक्रार प्राप्त होताच कारवाई करण्यात येईल.नाथराव शिंदे, तालुका कृषी अधिकारी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
